لقد اعجبتني هذه القصيده للمبدعه عيون المها.. وهي فرد ما افراد قبيله شمر واتمنى ان تعجبكم..
ماعاد اقـدر أحبــك قلتهـا وارجـوك تمنحني=
بعد فرصة أبرهن لك بعض مايوجع شفاتي
ماعاد اقــدر على مشوار حــبٍ فيك يجمعني=
ولا اظني بعد بعطيــك فرصــة في إهاناتي
خلاص اسمع ولا تطوّل أقول ارجوك تسمعني=
ترى منت اول احزاني ولا انـت آخر معاناتي
إذاً بعــيش مــن دونك ولـــو ذكراك تـوجعني=
ولو مرّت بك الذكــــرى بجرّ الصوت بسكاتي
إذاً يـــــاجارحي روّح تـرى جرحك مشبّعني=
ماعاد اقدر علىجــوع الجروح وكثر عبراتي
ماعاد اقدر أحبك..راح حبّك صار وش يعني؟=
وش يســــاوي قليل الحب وجروحك كثيراتي
حبيــبي يـاكثر مـاقـلت لك محـتاجتك خذني=
تجــــــــاهلت إحتيــاجي لك وبدّلته بحسراتي
تذكر يومي أجي لك وانا دموعي تسابقني؟=
تذكر يــومك تناظر دموعــــي في لا مبالاتي؟
تذكر يومي أنــــادي[ حبيبي] ولا تعبّرني؟=
تذكر شـكلي فـي ذاك المــكان ألملم شتاتي؟
تذكر وش كثر ضمّدت من جروحك وتطعنّي؟=
قلـــيل في خــاتمة حـبّك كـثيرٍ في إصـاباتي
عليم اللّه لــــو ترجع ولــــو تركع فلا تعني=
ولا يمكــــن..يتحرّك لك شعورٍ تملــــــكه ذاتي
ماعاد أقدر..ماعاد أقدر أقول أرجوك تسمعني=
ترى منت آخر الدنيا ولا نهاية طمــــــوحاتي
رد مع اقتباس
المفضلات