هدية ساير الرماحي الى فطاحلة فلّة حجاج !!
أخواني
فطاحله فلّه الحجاج
اليوم العصر جلست أفكّر فيكم
وتهيضت عقبها . . وكتبت هالابيات . .
وتروها 20 بيت كله لكم . .
وهي اهداء مني لكم يافطاحلة فله حجاج
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
.. هدية ساير الرماحي الى فلّه حجاج ..
ياراكبٍ من عندنا فوق ماطور=معبّيه بالديزل برهن استمارة!
يشخط مع السيدين مع فجّة النور=يمشي على الميتين لمح الشرارة!
يلفي على قومٍ بهم ضحك وسرور=في فلّه حجاجٍ محلّه وداره
محارش اللي من عنا الهوش مسطور!=شيخٍ على مركاه معروف كاره!
سلّم عليه وحبّ خشمه على الفور=وقل له موصيني الرماحي زيارة
لمشاهدك ياشوق هالطّخم والحور!=ياللي على المنكوب سقت البشارة
شهادته بالضحك ياناس دكتور=تشهد له الوغدان في كل حارة!
بالدوم يضحك ليل وأيام وشهور=وحتى بنومه ضاحكٍ مع نهاره!
قل له عنينا لاجل شوفتك مسرور=وعشان شوفك نقطع ألفين إشارة!!
واللي متجنّد سيفه أكرمه بمرور=تراه من قومٍ لهم ألف غارة
الزير كنّك ياخلف ليث ونمور=وسيفك أنا ماشفت فعله مراره!
والفاضي اللي بطيط مع طااااط مشهور!!=ماكنّ عاش العولمة والحضارة!
بيت الشعر ساكن ولا عاش بقصور=اللي تراحيبه ببسّة وفارة!
ومفتاح رقم أربع طعش زره بسرور=اللي بنى بالقلب عال العمارة
وأذكر صواميلٍ تراقل على النور!=قل له يشدّ الكل وأنطه زقارة!
وابو شهاب اللي من الحال مقهور=قل له ترى غيرك حياته طرارة
ولا جيت ابو غازي تثقّل ولا تخور=تراه غالي يا زعل واخسارة
ولا جيت ريم الشمرية على الفور=وصّل لها ومن الرماحي عبارة
قل له يقول تفطّرك خبز تنور=مع قشطةٍ بالكبد يبقى قرارة!
ثم ودع القوم الذي عاشو عصور=بالضحك والنكتة وكثر العيارة!
ساير
الرماحي,,,[/poem]
رد مع اقتباس
المفضلات