وقتنا القاسي . . . ياسالم الشمري
تحية طيبة وبعد . . .
هذا اهداء مني للاخ العزيز والغالي جداً سالم الشمري . . .
ولكل من قصّر معه زمانه . . بشيء . .
[poet font="Arabic Transparent,18,white,normal,normal" bkcolor="" bkimage="" border="ridge,10,orange" type=2 line=200% align=center use=sp char="" num="0,black"]
............ وقتنا القاسي ..............
ياسالم الحظ الردي ماجمعنا=مع من نزوره بالاماني والاحلام
صبرٍ جميل وصبرنا ما نفعنا=وش عقب تال الصبر ومرور الايام
حزّة غروب الشمس بالشوق ضعنا=قلبي تقسّم وأنقسم قسم وأقسام
سرنا على درب الهوى وانقطعنا=في بيد خالي قفر والدرب قدام
ياما تغرّبنا وتعبنا و جِعنا=وياما عنينا ثم بكينا ولا نلام
شف وقتنا القاسي أمرنا وطعنا=يقطعك ياوقتٍ به العزّ ينضام
وياما حرمنا من بذورٍ زرعنا=بدّل هنانا ضيم واجرم بنا اجرام
بجدودنا نصرع أبد مانصرعنا=واليوم لي حظ الردى حرّ حوّام
ياليت هالحظ الذي ماوسعنا=يصير رجل وله شنب يلبس الخام
نذرٍ علي لا شيل هالراس معنا=وتلعب به البزران كورة بالاقدام!
ياسالم أرقد نمّ وانسى وجعنا=وانا با كبّر هالوسادة وبا نام!!
ساير
الرماحي,,
[/poet]
رد مع اقتباس
المفضلات