السلام عليكم ورحمة الله وبركاته .. احبتي في مضايف شمر
كل عام وانتم بخير .. واعاد الله علينا وعليكم هذا الشهر الكريم باليمن والخير والبركات .. وعذراً على طول الغياب والتقصير إتجاهكم نتيجة لبعض الظروف الخاصة.. وأقدم لكم هذا النص آملا ان يجد طريقه إلى قلوبكم وان ينال على القليل من رضاكم واستحسانكم ..
[poet font="Simplified Arabic,16,white,normal,normal" bkcolor="" bkimage="" border="solid,4,gray" type=0 line=200% align=center use=sp char="" num="0,black"]
يعني من قل المصايب صاب هذا الصدر ضيق = ولاّ يعني من.. الحظوظ الطيبه.. ورِفـع المكـــانه
ذي حياتي من مضيقٍ ..في مضيقٍ.. في مضيـق = ولـو بحثت الصبر فيني.. ما اجد للصبر خانــه
عادتي لا ضقت ادوّر (حضن وعيون) الرفـيق = مشكله .. لا صار ضيقي منه واحــزاني عشــانه
يوم قال: (اسمح لي بارجع) وانت كمّـل هالطريق = لازم تقدّر.. وتنـسى.. وننتهي وكلٍ وشـــانه
قلت: صبرك (يرحم الله والدينك) ..ما اطيـــق = ماني ناقص فوق جرح اقدارنا.. (جرح الخيانـه)
حاجتي لك حاجة الايتــام وايديـن الغـــريق = طالبك طلبـه تراني اعشقك: (صون الامانـــه)
وراح ماكنه سمعني والتفت لفــتة طلــيق = وقال: اخيـراً ما بغينــا.. ثم غنّــى (ليل دانــه)
عندها أدركـــت فعلاً ..قيمــة الحب العتيــق = وقلت: هذي آخرتــها.. ما تجــاوزت امتحــانه
ضيق صدر وجرح قلب ودمع عين ونشف ريق = هذا كل اللي جناه (محمــد) بآخـــر زمــانه
مدري كن الحزن فيني شـاف له نِـعم الصديق = مدري يمكن كنت فعلاً كفــو للحـــزن وتكانه
والفرح كالثــوب لكن لبْسته لي ما تليـــق = دام لبسه لاي خاســـــر ما وراه الا الإهــانه
آه ياحزني ترفّــق.. صاحبك جرحــه عميــق = اشهد انك.. يا رفيـــق العمر طيّحـت الميـــانه
مثلي مثل اللي يراهن كل خلق الله.. بعشيق = والبلا.. راهن ويدري خاســـرٍ عشقه ورهانه
ويعني من قل الخســاير صاب ذاك الشاب ضيق = يكفي لا هالوقت وقته... ولا مكانه هو مكــانه
[/poet]
وسلامتكــــم جميعاً ........
رد مع اقتباس
المفضلات