أخواني الاعزاء
رواد المضيف النبطي
من شعراء ومتذوقي الشعر الافاضل
اتمنى ان تجد قصيدتي التالية في قلوبكم مكاناً
وان تحوز على رضاكم . . .
[poet font="Simplified Arabic,18,white,normal,normal" bkcolor="" bkimage="" border="ridge,10,orange" type=2 line=200% align=center use=sp char="" num="0,black"]
............. الياسمينة ...........
ياسمينة فتّحت معها عطر=شمّها قلبي وشافه ثم تاه
ياصباح الورد يازين البشر=ياصباحٍ عاطرٍ ريحة هواه
بسمتك كنّه بسايم هالزهر=لاتفتّح في جماله مع شذاه
أوكما قوس المطر يومه ظهر=في سما غيمٍ تساقط منه ماه
ياعنود الصيد ياورد وثمر=ياغزالٍ راتعٍ وسط الفلاه
كنك الما لاوطى قاعٍ قفر=أخضرت ورد ورياحينٍ معاه
ياظبي يا ياسمينه يابدر=ياجمال الكون كله ياحلاه
ينعذر من شاف زينك وانعثر=وينعذر من طالع عيونك وباه !
لولوة بحرٍ وغوّاصه أصر=يرتفع سعره عقب ماهو لقاه
صار له خبرات بالمهنه دهر=مالقى بالبحر زيّه من صباه
كفّتك ترجح على كل البشر=وزينك اللي ما وصلنا منتهاه
لو قصيدي يوصفك في كل بحر=كنّها نقطه ببحرك يامهاه
ماخبرت احدٍ على طول العمر=مثل ما معطيك ربي هو عطاه
لانكسر قلبٍ بحبك مانجبر=ولانجبر قلبٍ بشوفك هو مناه
كان في قلبي أسامي مع صور=سلهمت عينك وكل إسمٍ محاه!
أصلاً القلب المتيّم ماقدر=يوم شافك يذكر أسماء ونساه!
ماتبي الا لوحدك بالصدر=ياهنا صدرٍ سكنته ياهناه
يوم عندك ماسرعه والله مرّ=والدقيقة في فراقك يابطاه
ليتني أقدر أحطّك بالنظر=وأغمض عيوني وهذا مبتغاه
ما أناظر لاجماد ولا بشر=ولاأناظر كود وجهك بالحياه
بالمنام وبالجلوس وبالسهر=ماتفارق عيني ودومٍ معاه
أكتم الحسرة ببعدك وانتظر=فرحة اللقيا على جمر الغضاه
مالغيرك حب في هذا العمر=ولالغيرك شوق قلبي للوفاه
ساير
الرماحي ,,
[/poet]
رد مع اقتباس
المفضلات