الأبد .. !!
[c]
أسعد الله أوقاتكم بكل خير ..
أحبتي أعضاء منتديات شمّر ..
يسعدني و يشرفني الإنضمام إليكم و مشاركتكم في منتداكم المميز
واتمنى ان تقبلوني عضوه بينكم
وفردا من افراد اسرتكم
- - - - - - - - - - - - - - - - - - - - - - - - - - - - - -
ألم يقل البدر يوما ما ( كنا مابين الحكي والسكوت
أظهر أشواك الخصام
من قلبي و اشفاهي
ناظرتني بطرفها الساهي وقالت
لو تفارقني أمووت
و افترقنا
لا لقا
لا رسايل
ولا صوت
و كنت أسأل
دايم أسأل
يا ترى وش صار فيها ؟
قالوا تزقح ما عليها
صارت أجمل
إبتسمت و قلت هذا اللي أبي
بس غريبه كيف أنا صدقت
يوم قالت لي بموت !!؟
الصحيح إني غبي !! )0
نعم أيها البدر .. لا حب يبقى و يدوم للأبد في هذا الزمان
ولكن ماهو الأبد ؟؟ ..
سؤال فرض نفسه و حاولت جاهده البحث له عن اجابه
( الأبد .. ! ) مشاركتي الأولى
بعض الكلمات المتواضعه أضعها بين أيديكم علّها تنال على القليل من رضاكم ..
وش هو الأبد ؟
كذبه العشاق ؟
او فضى واسع وضاق ؟
أو هو معاني المستحيل
او طريقٍ .. مظلمٍ .. قاسي .. طويـــــل
ياللي رسايلهم هنا
وطيوفهم دايم هنا
كيف الأبد هذا يصير
وين الأبد هذي تكون ؟
و وين الوعود اللي تقول
الحب هذا للابد)
ومانفترق روح وجسد) !!؟
وين العشق والشوق راح ؟
ماكنّك اللي زرتني
تسبق عصافير الصباح
ولا كنّك اللي جيتني
حب .. واشواق .. وسماح
ماتغير شي وربي
ماانت اول من نسى
ولا انت اخر من قسى
كل هالدنيا تموت
كل الوجيه اللي بدربي
بعد فرقانا تموت
ماتغير شي وربي
كل عالمنا طعون
حتى وقتي لا غدر بي
ساق غيم بلا مزون !!
وش اسوي بهالرساله ؟
احتري طيف الحبيب؟!
أو امزقها وتغيب ..
وانتظر جرحي يطيب
وش كثر هالحيره مرّه
لاسرقتني ..
وتركتني ..
مع خفوقٍ ملّ صبره
وش كثر هالخوف جارح
يوم عالمنا مسارح
وكلّنا عاشق وفي !!
آه يا حلمي تعال
نام جنبي .. واختفي
ما بقى فيهم وفا
مابقى غير الجفا
آه يا حلمي تعال
قم ننام الليل طال
قم عسانا نشوفهم باحلامنا
و نفرح بهم ..
قم نروح ومانجي إلا بهم
قم عساهم لو يشوفونا ذكرونا ..
قم عساهم لو يشوفونا بكونا ..
آه يا حلمي تعال
نهدم صروح السؤال
ونسـتـــريــح ..
قم نضم أوراقهم
لين تهــدى الريح !
قم نغنيهم قصيد
و ننتظر فجرٍ جديد
يمكن يجي لغرورهم
يوم ويــطــيــح !!
24 / 12 / 1422 هـ
تحياتي ..
شجون الروابي
[/c]
رد مع اقتباس
المفضلات