[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
قالوا : حــظـيظ وقلت : ربّي عطــاني = والحـظ مايعـطى من انسان لـ انسان
ياعـاذلـيني ... منكم الـهــرج جـاني = ماهو غريبٍ... طـبعكم طـبع شيطان
والله مافكّرت باللي هجاني = لعيونها ماهمّني كاينٍ كان
دامي عـزيز النـفـس عــالي مـكــاني = "طـنخـة طـنـا" بالـراس نـارٍ وبـركـان
وان كـان وقـتـي بالمـهــالك رمـاني = ماعـذربوني دامـهــا كـبـوة حـــصـان
رجّـال .. وابقى ما بكــيت الامـاني = ولاني ضعيـفٍ غارقٍ وسـط الاحـزان
لي هقوةٍ ماتنثني لو ثناني = من دونها دربٍ عسيرٍ وخوّان
انا كذا يابنت ماني اناني = اعطيك قلبٍ فيه ودٍ وتحنان
والسالفه ... دامي عـريب المجـاني = إنّي لـــ خـلـّدها عـلى طـول الازمان
أنسـج واصـب زلال حـلـو المـعـاني = من اصل غـيـمٍ بالوفـاء جـاك هـتــّان
شعرٍ ليامن مد قل يالمواني = ترى البحر مابين لولو ومرجان
حقيقتي فيها نطق لك لساني = تبختري بالحب في كل ميدان
هذي لـيـال العـمـر صهوة حـصـاني = عــسـفـتـهـا لـرضـاك في رمـح وسـنــان
يفداك قلبٍ فيه فايض حناني = ياوردةٍ منها الشذى صار بستان
تـزهر غـلا من بين حـدب المحاني = واصغر غـلاها داخـل القـلب سلطان
ودّي اعيش الحب .. بـاقي زمـاني = نــشـوة غــلا بالــروح ما بــين خـــلان
شـوق وولـه والشـوق يمـّك خـذاني = هذي حـياتي واضحـه دون عـنـوان
ولو قالوا العذال ربي عطاني = الحظ مايعطى من انسان ل انسان
بشير اللويش ،،، الراسي
[/poet]
رد مع اقتباس
المفضلات