لكم مع خالص التقدير
[poet font="Simplified Arabic,14,white,normal,normal" bkcolor="royalblue" bkimage="" border="outset,10,white" type=0 line=350% align=center use=sp char="" num="0,black"]
ولا تبكي على الماضي ولا تندم على مافات=غزير الدمع لو ينفع ترى ما صار معياره
صحيح اني سموح النفس وانسى معظم الزلات=ولكن عزتي تمنع عليك اتعدّي اسواره
زرعت السيف في صدري وزدت بقلبي الونّات=ولا راعيت في قلبي حشيمه وانت في داره
أحَسب ان الهوى لعبه ولا جربت به هفوات=ومن جرحك عرفت ان الهوى مسكين من زاره
عرفتك بالهوى لحن وسمعتك باعذب الأصوات=ولكن من بديت اعزفك عودي انقطعت اوتاره
وعرفتك صاحب ٍ وافي ولا تلحقني الشكّات=من اوّل ما نخيته غاب عنّي وضاعت اخباره
بعد هذا تبي كل ما صدر منّك يمر بسكات !!=أنا ماارضى على نفسي تكون بيوم منهاره
أنا ساعات احس انّك وفي واتحبّني وساعات=أحس انك دخيل ٍ بالهوى واتسمّم افكاره
غرورك صار لك سيّد عما عقلك وقلبك مات=واشوف ان الخطا منّك تعدّى وزادت اشباره
واذا حبك بدا يصحى تجاهي من بعد غفلات=أنا حبّي ترى من أمس صوبك جفّت امطاره
ولا تبكي على الماضي ولا تندم على مافات=غزير الدمع لو ينفع .. ترى ماصار معياره !!
[/poet]
لكم تحياتي واحترامي
الهــــــــــــــــــــــــــادف
رد مع اقتباس
المفضلات