فزعت ابن اجواد

[ثاني]

السلام عليكم
اخواني احب اني اشاركم في القصيده اللي سميتها فزعت ابن اجواد لقد قرأتها في كتاب اسمه( رجال المواقف والمكارم)
اعداد الشاعر الكبير( حمد عبيد العطواني الشمري)
يقول : انا عودة بن زلة الصقري العنزي كنت في منطقة الحفر وأهلي بجفور حيث جيت من طريف الى الحفر وقد مرضت في الحفر ولا أعرف أحد انذاك في المنطقة وقد ذهبت الي طبيب القيصومة ولكن طحت ولم اصل الطبيب ويوم وعيت المغرب جاني المدعو( راشد الجعفري الشمر) من الرواحلة والمارية شامة بوجهه.
فاخذني على متنه الى بيته وسهر بجانبي طول الليل وقد كانت حياتي من الله ثم منه وتعب عليه حتى رحت من عنده بيض الله ثناه.

هذا الشاعر عن قصة اللي حدثت له


شرقت أنا من طريف وأهلي بجفور
............................. والله رماني با الحفر يا ظنيني
والله يسوق العبد والعبد مأمور
............................واليا كتب له كتبة با الجبيني
وأزحف على الرجلين عجست لا ثور
........................... يوم أن ملك الموت بغي يجيني
والله خلق المو والدرب مأثور
......................... وأجدودنا وجدودهم فأيتيني
وأسئل ونا مرضان ما شفت أنا صقور
...........................ترى القرايب عزوتي منتحيني
مرباعهم ما بين عرعر وأبا القور
............................ومقيضهم البريت يوم القطيني
وأظلم على الليل والناس بقصور
.......................... وأنا غريب طايحن با البطيني
ولا من صدقين يزعجن يم دكتور
........................ تكفون ياالآجواد يا المستحيني
يما لقاني كاسب الطيب ماجور
........................ الشمري بالليل جابه ونين
يا الجعفري جعلك عن النار مأجور
..........................حلفت أنا منساك طول السنيني
يوم أتقلب وأدهج وأنت ناطور
.........................نوب على يسراي ونوب يميني
من نجمت الصفرة اليا شبت النور
........................... تحظني حض الا بوى للجنيني
أكتب بياضك مع هل الجيش منشور
.......................... راشد زبون الطيب ذرب اليمني
من لابة يا عزلوا كل طابور
........................ شمر هل الردات حبس الكميني
يا ما وقع بنحورهم كل مسطور
......................... وعاداتهم للضي ذبح السميني


الشاعر/ عودة بن زلة الصقري العنزي

[اخو المساعيد]

تسلم يابن الاجواد عز الله انك جبت القصيد المثمن

هذه اللي ترفع الراس والف نعم بمن قيلت فيه وجزا

الله قايلها خير اللي ماانكر الطيب عز الله انه طيب

وانت ياثاني تسلم ومشكور ولاتبخل علينا من تختياراتك

وانني اهديك اجمل تحياتي يابعد حيي

[سنـعـوسـي]

بسم الله الرحمن الرحيم




هلا والله وغلا بثاني كيفك حبيبي 0

بصراحـــــــــــــــــــــــــــه ناريه قوية بس ماودي اقول ننويه يقولون ذا مهو بسيط 0

المهم يعطيك العافية وماقصرت وعسى الله مايحرمنا من رجال العرف والمعروف 0


اقول ثاني مد يمناك لا عدمناك 0 عز الله انك جبته بوقته 0



هو فاتني بس كويس ان فيه تعديل مكنا 0 صح لسان الشاعر عودة بن زلة العنزي وعسى راشد الجعفري الشمري على الوة 0

[ثاني]

بسم الله الرحمن الرحيم



اخوي اخو المساعيد شكرا لك على الاهتمام والمتابعه

اخوي سنعوسي يعطيك العافيه وشكرا على تعقيبك واهتمامك وهذي يدي امدها لك وانا عند حسن الظن انشاء الله والهدف طبعا ان الواحد ينفع نفسه وينفع الناس على قدر استطاعته ولا يصير مثل دوا جمعه اللي ماينفع ولا يضر 0



تحياتي واحترامي 0