اين الرجال ؟؟ ..

**اخو نوير** · 21-10-2002 09:44

ابيات اعجبتني........كم تمنيت ان نعرف قائل هذه الابيات...

ابيات جميلة ................لكنها تعكس الصورة الحقيقة لما يعانين منه اخواتنا العوانس......

ولكني لست معه بانه ليس هناك رجال...............

هناك كثيرون ولكنه النصيب...............

استمتعو بهذه الابيات.........

أضحك وأنا اسمع سيرتي في المجالس========= وأعرف عيون الناس ماترحم الحال

حالي مثل منهو على الباب حارس============ يحفظ كنوز ما تقدر بالأموال

صعبه يجي انسان مهوب فارس =============ياخذ بنيه ينضرب فيها الأمثال

ولا يجي طايش وجاهل مدارس============== أكبر طموحه خط بيجر وجوال

صدره من مرض الدخان تارس ============= زود على التنباك منحط الآمال

النفس في خشمه ودايم يعاكس ============== يقول انا لي شارب والبس عقال

خبرني كيف أحيا مع انسان لاقس=========== وشلون أحري لعبه أنسان دجال

ايه أفتخر لا قالوا الناس عانس =============== ما دام من تقدم مهوب رجال

بعدي والله شوفوا عزة النفس بالبيت الأخير ... بعذرتس والله

... وووووينكم يالرجاااااااال

تحياتي لكم
اخووووكم
اخو نوير

**راعي الهديبا** · 21-10-2002 11:01

اضحك واتا اسمع سيرتي في المجالس -- واعرف عيون الناس ماترحم الحال
حالي مثل منهو على الباب حارس---- يحفظ كنوز ماتقدر بالاموال
خبرني كيف احيا مع انسان لاقس---- وشلون احري لعبة انسان دجال
ايه افتخر لا قالوا الناس عانس --- ما دام من تقدم مهوب رجال

اخي العزيز لقد طرحت موضوعا مهم في مجتمعنا ويجب الاخوان في المضيف ان يعطوه حقه من الاهمية وان يشاركو فيه ويطرحوا الحلول

نعم انها كلمات كما قلت جميلة لكن --لكن ---لكن
ليس كما يقال يفهم
كما يقال في الامثال
الرجال مخابر مهي مناظر
ويوجد رجال كثيرون نعم رجال ونعم من رجال لكن لاترضى هي اوابوها او اخوها لسبب من الاسباب الكثيرة ( ليس من مستوى اهلها أو ليس مثقفا أو ليس لديه الوظيفة الراقية أو ليس لديه المال كما عند فلان من الناس أو -- أو وغيرها كثير )وهذا ياخي العزيز هو مجتمعنا مع الاسف الشديد وتكون الضحية اخوانتنا العوانس
لهذا السبب يجب علينا ان ناخذ الامور من جانب ديننا الحنيف الذي هو دستورنا في الحياة الذي يجب ان نعمل به ونمشي على اساسه وليس العقليات التعصبية التي لاتنفعنا بشئ وانما تعيدنا للخلف ونحن يجب ان نكون واعين ناخذ الجميل المفيد الهادف ونترك السيء
ارجو ان تقبلو كلامي بصدر رحب تاخذو المفيد وتتركو السئ
ولو لا اختلاف الاذواق والعقول لبارت السلع
وتقبلو مني ماقلت ولا تأآخذوني بما اخطأت فصححو ماخطأت

تقبلو تحياتي
اخيكم راعي الهديبا

**النجلا** · 21-10-2002 14:07

مسا الخير اخو نوير
موضوعك رووعه
والرجال طال عمرك او العيال ( بالاحيمر ) ;)
لاتزعل تراي امزح ,,,لاكن الابيات تعكس حالة كثير من البنات وصدقني ياما فيه من بنات حمايل ومستورات ولايطلبن غير الستر بس ......
ودي اكتب لك وجهة نظري بهالموضوع لاكن اتمنى محد يزعل مني لاني ابكتب بمنتهى الصراحه و ( ليس الوقاحه ) رؤيتي له من خلال الجوانب التاليه :
اولا : شبابنا
الواحد منهم اليا بغا له سياره (مع انه مافيه وجه شبه بين المرأه والسياره ) ولاكن لكي اقرب لكم ما اقصده اليا بغا هالسياره يدور له احد يكفله اليمن يحصله واليا حصله يرتاح ويستانس ولايشكي واليا جت على العروس او زوجة المستقبل ( طلعت مشاكل الديون والاستلاف وغيره وغيره ) يعني بزعمك تبي بنت الناس ببلاش ؟؟؟
هو صحيح انه افضلهن ايسرهن مهورا ولاكن وجهة نظري (انا ) انه مع جيل وشباب مثل شباب هاليومين وتراي ( ماعمم ) ودك ينرص رص بدين قوي عشان يعرف قيمة بنت الناس ومايطلق لأتفه سبب وشرط ان ماسمعها اسطوانة انتي ركبتيني ديون وانتي وانتي ومن هالكلام اللي اوله وماله تالي!!
بعدين الواحد اليا منوه بغا يعرس تلاقيه طاير لم برا لم سوريا او مصر او المغرب ويالله وعلى هالموال وتسأل وتقول وين الرجال ؟؟؟؟
اذا انت سويت كذا وخويك كذا وجلسن بنات الحمايل بالبيوت عوانس فهو من عمايل يديكم انتم..
ثانيا : البنات
الوحده منهن ودها ببيت ملك وسياره وسواق وشغاله ويالله وتراني ( ماعمم )
وودها زواجها بالقصر الفلاني وتكاليفه تهد الحيل الخ ........
بعدين اذا فعلا مافيه من يستحق هالبنت ان شاء الله عمرها ماتتزوج ليش يعني لازم تتزوج عشان يسكت الناس عن مناداتها بالعانس ؟؟؟ جد ترا الجلسه بالبيت ارحم من حياة الله اعلم فيها مع واحد مايستاهل ويمكن يجيهم اطفال يكونون هم الضحيه بس ( ومرضي الناس كايد) ومهما كان متكلمين متكلمين الاهم هو راحتها هي اولا واخيرا ومنت بقاطع السنة الناس ابدا .. ولعلمك ان لفظ عانس يطلق على الرجال والنساء ولاكنه هنا ( يخصص ) للنساء من باب المخصصات الكثيره اللي لها ومايحتاج اكثر كلام..
يعني مافيه واحد يرحم الثاني او يقدر ظروفه والانانيه تغلب على الرجال بحكم انهم رجال ويسأل ووينكم يارجاال ؟؟
تحياتي لك واعذرني على الاطاله وعلى الخطأ ان وجد
وتذكر ان رأيي صواب يحتمل الخطأ ,,, ورأي غيري خطأ يحتمل الصواب
اختك النجـــــلا

**الفيتو** · 22-10-2002 08:57

اول شي مشكور اخي ابو نوير على هذا الموضوع.

والله الرجال واجد وبنات الحمايل واجد

والموضوع هذا يدخلنا في مواضيع ثانيه مثل ( غلاء المهور و ذولا ناس مهو من ثوبنا ........الخ)

هذا مايجعل الشاب يبتعد عن الزواج لكثرت مصاريفه المبالغ فيه

كما ان الاخت النجلا قالت :

الواحد منهم اليا بغا له سياره (مع انه مافيه وجه شبه بين المرأه والسياره ) ولاكن لكي اقرب لكم ما اقصده اليا بغا هالسياره يدور له احد يكفله اليمن يحصله واليا حصله يرتاح ويستانس ولايشكي واليا جت على العروس او زوجة المستقبل ( طلعت مشاكل الديون والاستلاف وغيره وغيره ) يعني بزعمك تبي بنت الناس ببلاش ؟؟؟

فل نبتعد عن التشبيه كما قالت ونمشي على اللى تقوله;) .

من احلام الشباب او امنياتهم اذا كبر او تخرج اشترى سياره لانه من الاساسيات في وقتنا هذا .

على كذا الاخت النجلا تطالب بعدم تحقيق الاماني حتي يتزوج الشاب .

صحيح انك ماقلتي كذا بس الواضح في الموضوع ان الفتاة او المره تبي واحد جاهز مجهز البيت وعنده والسياره جاهزه والشغاله قبل لا تدخل المره البيت تكون موجوده وتبيه عاقل وهو مابين 20الى 25 و......و........و......الخ .

المصيبه ان الرجال اذا اكتملت واستقر يكون كبير بالعمر شوي بس ماحققه

يخفي هذا الكبر .

وياليت يعي الناس هذا صحيح اني لم اجيد التعبير ولم اجيد ما اود قوله 100%

بس ان شالله انكم تفهمون اللى بقوله

**abuturky** · 23-10-2002 00:33

أبي أشارك برأيي بهالموضوع.

ولا يجي طايش وجاهل مدارس
............................... أكبر طموحه خط بيجر وجوال

والله عظيمه صاحبت تلك الآبيات وظغطت على الجرح النازف في جسد المجتمع وهو عدم الجديه والآهتمام.
من من.

من الآهل.

من المجتمع.

كنا نوقض لصلات الفجر ونحن أطفالآ قبل السابعه.
لايسمح لنا بالكلام في حضرة منهم أكبر منا.
نتحمل المسؤليه ونحن صغارآ وندفع لها من أهلنا.
النتيجه:
صبر وتحمل للمسؤليه بهمة الرجال.

الشباب اليوم:
يقضي الساعات الطوال بالنوم دون أن يوقضه أحد من أهله حتى للصلات.
عمره في العشرين ولايتحمل أدنى درجات المسؤليه وأهله يقولون صغير
كل مايريد يوفر له دون أن يتعب به.

النتيجه.

شباب مستهتر لايقيم وزنآ لآي أمر ليس لديه تقييم ولانظره سليمه لآموره تجده فاشلآ تائهآ تشفق عليه فكيف يتحمل المسؤليه.

كل ماقلت من وجهة نظري الشخصيه ينطبق على شباب اليوم من الجنسين وان كنت لا أعمم ذلك.

ماقلته هو رأيي الشخصي ان أصبت فمن الله وان أخطأت فمن نفسي والشيطان.

السلام عليكم ورحمة الله وبركاته
أخوكم:أبوتركي وسامحوني

**النجلا** · 23-10-2002 05:02

ماعليه رجعت للموضوع غصب علي
اهلين بمراقبنا ابو مرزوق :D ..
طال عمرك ابقول لي شيء بس لاتزعل ترا السالفه مجرد نقاش واراء ومو شرط تتفق الافكار.. اووكي..
الحين الواحد منكم ( ماهوب كلكم ) من يومه صغير وهو اكبر امنياته امتلاك سياره وطبعا مو اي سياره الا احدث موديل واسرع سياره او خلينا نقول الافضل
على الاطلاق وتلاقيه يحوس ويدوخ السبع دوخات اليمن يحصل اللي يبيه هاذا الشيء من احلامكم ومحد قال لاتحققون هالاحلام بالعكس لاكن وش حلاتك وانت مرتاح ماديا ومنت بمحتاج لاحد لانك بتكون بنيت نفسك بنفسك وتحقيق الاحلام مايجي دفعه وحده وماننسى الصبر وبعدين اليا جاك الواحد وعمره فوق الثلاثين او الاربعين ومرتاح ماديا وضابط عقله احسن من واحد طموحه سياره ,,جوال ,, مشوار ,, ولا وبالدين ( يعني شين وقوي عين ) ويدور عروس بعد ؟؟؟ اصلا مادهوركم غير الديون واللهفه على تحقيق الاماني واحلام الطفوله بابسط الطرق واسهلها ومن غير تعب !!!
واما تعليقك هذاك يقولون كفانا شر مايقولون ( مايعيب الرجال الا جيبه ) . .
ماعلينا دخلنا بموضوع ثاني ايه وين كنا :confused:
و اذا بتم على تفكيرك اشتر سياره اووكي واقعد سدد فيها حتى تتحقق احلامك ( الآنيه ) او الحاليه بس شرط ماهو اليا جيت بتتزوج قمت تشره وليه البنات هاليومين مهورهم غاليه
او ولا بلاش
وتذكر ان
رأيي صواب يحتمل الخطأ ,,,,, ورأي غيري خطــأ يحتمل الصواب
خيتك النجـــــــلا

تحيااااااااااتي الخالصه..

**اخو نوير** · 23-10-2002 09:58

يااهلااا والله ومسهلاااااا
وعشت ياخووووووك
وجزاااك الله خير ,,, ورأيي من رأيك ...
لا بد نترك هالعصبيات ونرجع لديننا الحنيف كما ذكرت ..

مشكوور على مشاركتك والله مير يسلمك ويسمنك:D

اخوووووووك
اخو نوير|116|

**اخو نوير** · 23-10-2002 12:01

[c]
ياهلا ومسهلا اختي الفاضله وحيااااتس الله

ولاشك أني أحترم وجهة نظرك وأقدرها ... والحمد لله انك ما عممتي ... لأنه تعرفين اصابع اليد الوحده تختلف ,,, فألف شكر لك وجزاتس الله خير ...

واللي ودي اقوووله ...
أنه وانا اخوووتس .. أنه فيه فرق بين الرجال واشباااه الرجال ... اييييه يا بعدي

وانا تقلت هالقصيده ... لأني مع البنت انها تقعد بالبيت ولا ياخذها واحد مايسوى ظفرها ولا خصله من شعرها ...
اللي يبيها يايعامله بالمعرووف ويراعي الله فيها ... ولايقعد كل شوي والساعه انتي وانتي .. افا وانا خو نوير راحت الرجاال ... اليا خذيت بنت الحمايل ياتعزها ... يابلاااااش خلها عند اهلها ابرك لها .. من عيشتها مع شبه رجل ...
وانا احذر البنات من هالعفووون يلي ما يقدروون قيمة للمرأه ... ويرمي الكلام مايدري وش يهذري ... ويحسب كلمة الطلااااق سهله ... انا ولدك يامناحي ..
هذا رأيي .. وبسبته نقلت لكم القصيده ...

وانا يوووم اقووول (( وين الرجال )) أنااادي طوال الشوارب اللي يكرمون المره ويقدرونه ويضعونه بمكانه اللي يرضاه له الله ورسوله عليه الصلاو والسلام ..

هذا رأيي وجزاتس الله خير ...

تحياتي لك
اخوووووكِ
اخو نوير|116| [/c]

**اخو نوير** · 23-10-2002 12:13

[c] ياهلاااا بك والله يابو مرزوووووووق
والله مير يحييييك على المروور

ومشكووور على مشاركتك معنا وو جهة نظرك نحترمها ونقدرها ...

والمفروووض يكووون فيه تعاون بين الأثنين ... وهم ما تزوجوا الا يكملوون نص دينهم ويدوورون سعادتهم ...
لازم نكوووووون وسيعين بال ... ونكوووون متعاونين ... وأهل البنت يوم يزوجون الولد المفرووض أنهم لا شافوا أن اللي متقدم لبنتهم رجال ونعم وفيه ... يعني شارين ولد .... يتعاونون معه ومايرفعوون المهر عليه ... لأنه هو يلي بيصير ولدهم ... وياقف معهم ...
والف شكر لك على مشاركتك ...
هذا رأيي والله أعلم
اخووووووووووك
اخو نوير|116| [/c]

**اخو نوير** · 23-10-2002 12:22

[c]

ياهلا والله ومسهلاااااااا بك يالغالي

ومشاركتك وابداء رايك ... يسعدني وافتخر فيه ...

وأبد ما على كلامك زوووووووووود
انا اوافقك 100%
واقوووووووول
الله يرحم زمان أول
كل شي بالهدنيا تغير
وألف شكر لك اخوووي على ردك ومروووورك
اخوووووك
اخو نوير|116|

وتقبلوا مني كل الحب والاحتراااااام
[/c]