موقف طريف ,,, ( مضحك ) ,, حصل لك

**سالم** · 18-10-2002 22:43

الأخوه / الأخوات ,,, أعضاء المنتدى ,,,,,,,,,,,,,,,

السلام عليكم

أكتب موقف طريف ضحكت عليه ,,, لين أنفقعت بطنك ..

أحسن موقف ضحكت عليه ....

تقبلوا تحياتي :

:D :D :D :D :D :D :D :D

:D :D :D :D :D :D :D :D

:D :D :D :D :D :D :D :D

**سالم** · 18-10-2002 22:49

والله ياجماعة الربع ,,,,

حصل لي أكثر من ألف موقف ,,,,

بس مثل الوقف اللي حصل لي وخلاني أنشر الموضوع مالقيت ,,,

أليكم الموقف ,,,,,,,,,

( كتبت موضوع بالمضيف العام ,,, عن _ ماهي السياره التي تتمنى امتلاكها _

فجاءت ردود كثيره ,,,

و من ردود أحد البنات ,,,

قالت أنا أذا سمحوا بالسواقه ,,

ودي بسياره .......

ورديت عليها وقلت لها بالربيع ان شاء الله يسمحون لكن بالسواقه ,,,,

جت الأخت/ البندري ,,, وجابت الطامه ,,,

وقالت :

الله الربيع باقي عنه كم شهر ,,, وأشتري كوبيه وأسوق و,,,,, و ,,,,,

وهي ماتدري أن الربيع = مستحيل ,,,

لذلك أعجبي هذا الموقف اللي نايمكن أن أنساه ونشرت الموضوع علشان البندري ...

واتمنى منكم المشاركه ,,,

وأرجو من الأخت / البندري أنها ماتزعل علي ,,,,,,,,,,,,

وشكرا

وتقبلوا تحياتي واعذروني ان كان طولت عليكم

سالم الشمري

**البــنــدري** · 18-10-2002 22:53

بالعكس مازعلت ..اناضحكت كثيرررر ...

واليوم مواضيعك حلوة وفيها الضحك والسعاده ..اللي فعلا محتاجين لها ..

وودي اقولك مثل الربيع ... تراني مااستوعبته الابعدين ..وياويلك لو النجلا تفهمه مثل مافهمته انا هههههههههههه
بس يبدو انها مالحقت على ايام الابتدائية

لي عودة

**سالم** · 18-10-2002 22:57

تصدقين أنا كثير الضحك وضحكتي تزعج الجيران ,,,,,,,

بس الحين أزعجت اللي بالمقهى كلهم ,,,,,,,,

كله من شان ردك ,,,,,

تقبلي تحياتي

واكتبي الرد على الموضوع هذا

**أبــ شهاب ــو** · 18-10-2002 22:59

هههههههههه الله يقلع ابليسك
على العموم عندي موقف حصلي بالمدرسة مرة من المراريت

كنت امشي معي اخوياي بالفسحه وقدامنا واحد مانعرفه معطينا مقفا
طبعا اكيد انا كنا متاخرين عن الحصه الرابعه ويوم قالوا
اخوياي وش نقول للمرشد اذا قال ليش تأخرتوا قلت انا:

من زود اللقافه قلت :

حطوه براس المدرس.......(فلان)

يوم دريت الا ويلتفت اللي قدامنا ماندري منهو والا هو المدرس ....(فلان)

وانا اللي اتنقعبه هههههههههههههههههههههههه

ولله طاح وجهي اخيييييييييييييييييييييييييييييييه فشيله عاد هو كان واثق فيني وانا ضابطه ماشي معه سيده هههه..

**سالم** · 18-10-2002 23:01

الله يقطع شيطانك ..............

والله خوش سالفه تضحك ,,,,,,,,,,,

بس لاتعودها ,,,,,,,,,,,

هههههههههههههههههههههههههههههههههههههههه هههههههه
هههههههههههههههههههههههههههههههههههههههه ههههههه
هههههههههههههههههههههههههههههههههههههههه هههه

شكرا لك وادعو غيرك بالمشاركه ,,,,,

**فيصل اللويش** · 18-10-2002 23:07

[c]
اجل البندري تدور الربيع

ابشري بالربيع

المهم

اطرف موقف حصل لي

كنت مره كاشخ وزاير واحد بمستشفى الجهراء بالكويت

ويوم نزلت منه الا قدام الدرج بنتين مبرقعات قعدت اطالعن واثاريهم تو مغسلين الدرج اللي نزلت منه:D :D

المهم مالكم بطول السالفه

وربي حضرت عندهن:D :D

وبدال لا اغازلهن الا تقولي وحده بسم الله عليك والثانيه انحاشت من الضحك

وربي نسيت حتي عقالي وانا اجمع اللي طاح مني وانحشت واول مره تحمر خدودي مع اني املح اشلح:D :D

اخوكم 00 فيصل اللويش

[/c]:

**البــنــدري** · 18-10-2002 23:11

والحين بذكرلكم موقف ..

ولو ان المواقف كثيرة بس وووين اللي يتذكر ...

اهااا تذكرت موقف يمووووت من اضحك ايام الدراسة ...

كان فيه شلة بنات من اللي راسبين واللي مقالبهن كثيرة ... فذاك اليوم تجمعوا وانا بريئة معاهم

فقالوا نبي مقلب حلوو نسويه بابلة فلانه وهي مدرسة العربي ومصرية الجنسية "بس والله كانت حبوبة "
المهم اقترحوا انهم يجيبون صراصير "الله يقرفهن " ...وفعلا اليوم الثاني الشلة جابن صراصير ولا من اللي يحبهم قلبكم ويكرهنهن البنات وهي صراصير وتطير
واول ماشافن الابلة جاية من بعيد افتحوا اكياسهن وطيرن الصراصير
عاد البندري ماهربت لوحدها ...لاهربت شنطتي معاي ..اخاف ان صرصور يدخل فيها والاشيء ..ههههههه

المهم البنات كلهن طلعن من الصف الا الابلة دخلت ..لا وقامت تدوس بالصراصير وتنادينا تعالوا الله هو انتوا بتخافوا من الصورصار
ونحلف ماندخل .. هي السالفه كلها تضييع للحصة ..

ماانتهى المقلب للحين

قامت وحده من هالشلة ورشي بف باااف جايبته معها والابلة تتفرج .. وشوي والا ..جاك الموت ياتارك الصلاة ..الاالناظرة بشحمها ولحمها عندنا وهات كلام ومسبة الله لايوريكم ..وتم نقلنا للصالة الا ان تنتهي ريحة المبيد الحشري وتموت الصراصير ..مع نقص 5علامات للصف كله لاننا ماقبلنا نقول الحقيقة ومن جاب الصراصير ..

لاووحده من هالشلة تقول تراني تعبت وانااتصيدلكن الصراصير الطايرة

...وايشرايكم بهالمقلب

**أبــ شهاب ــو** · 18-10-2002 23:25

ههههههههههههههه الله يقلع ابليسك يالبندري

عاد ليش هي الصراصير تخرع ؟؟؟؟؟

**الفاضي** · 18-10-2002 23:29

ابو شهاب الله يقطع بليسك لهالحين انت متذكر اكالسالفه :D و الي اقشر منه قلت قولتي المشهوره ((اجح......دوه))

صدز طاحت وجيهنا اكاليوم

لا بعد صارت سالفه عقبه مادري ابو شهاب يخبره والا لا

الموقف بس تروه ماهو علي:
صار به دوري تنس طاوله بالمدرسه والطلاب مجتمعين وتخبرون الشباب الا يلجون واااااا ويييييي وووووووو ومن هالجه وفجاه جاء الوكيل وهي تهجد العالم الا واحد مقرود وهو يلتفت ويقول وااااااااااااااااا الا الوكيل بوجهوه وهو يبلش وقلب وجهوه الوان وحنا انواع الضحتس عليه

الموقف الثاني هذا علي هالمره وهو

عندنا حصه رياضه وانا اقول للمدرس رجلي توجعن وماقدر اركض وانا على طول امثل اني اعرج وهو يسامحن المدرس وبعد دخل وجا واحد من العيال وهو يلزخن مع ظهر وانا اطير وراوه سبع الالف واول ما لفيت الا المدرس بوجهي ويراعيلي ويضحك ويقول هذا الي رجلوه توجعوه والله طاح وجهي بالقاع

تحياتي الفاضيه وانشا الله اتفطن كم موضوع ثاني