ودي أنسى..

**طوفان** · 18-10-2002 14:46

ودي أنسى..
ودي أنسى..
ان قلبي صار مرسى..
ترمي جروحك عليه...
كل مامريت فيه..
بعدها ترحل وتنسى..
ودي أنسى..!
كان هالشارع ظلام..
وكان بالسكة رصيف..
دايم تجلس عليه..
كنت أشوفك من بعيد..
حاير بصمتك وحيد..
وكنت ألمح فالسما
دخان طاير..
من غيومك..!
وأتحسس فوق خدي
دمع حاير..
من همومك..!
تبتسم صوبي تنادي..
لي تنادي..؟!
ماأصدق..لي
تنادي..؟!
وليه تنادي..
وانت ناسيني وغادي..!
ودي أنسى..
إني في ليلة بكيت..
يوم جيتك مادريت..
انك تنادي علي..
لجل تسألني عليك..!
عن عيونك..عن
جنونك..
عن ألم جرح جفونك..
عن حبيبة قلبك اللي
للأسف كانت تخونك..
ودي أنسى..
إن قلبي كان مرسى..
ترمي جروحك عليه..
كل مامريت فيه..
بعدها ترحل
وتقسى..
ودي أنسى...!

مع تحياتي الكم
الورد مايذبل جفاف..

الورد يذبل شوق..

..لو في مواعيدك ضفاف..

ماصار حبك طوق..!!

**الماس** · 18-10-2002 14:58

أخوي الكريم ابو حمد.....شاعر الحب المتدفق

مبدع كما عهدناك....رائع كما عودنا قلمك

فلك كل الشكر على ما أمتعتنا به من عذب الكلام

سندريلا

**البــنــدري** · 18-10-2002 15:04

الله عليك اخوي بوحمد

فعلا ابداع متواصل ..ويشرفنا قراءة ماتكتب من ابداع ..

لك خالص تحياتي وتقديري

**موال** · 18-10-2002 15:26

ما اروعك بو حمد وسلمت يداك اخي الكريم
حقآ كلمات اتت تحيي موت العروق

شكرآ الف بو حمد

**بشير اللويش** · 18-10-2002 15:56

اخي الغالي

ابوحمد

رائع

فعلا انت مبدع

وصاحب قلم ذهبي

لاتحرمنا من الابداع

تقبل تحيات اخوك الصغير

الراسي

**فهد المويهي** · 18-10-2002 17:27

اللللللللللله عليك يابوحمد

والله ماني قايل ولاكلمه

بس صدقني اليوم انت غير

تقبل اعجابي الشديد

اخوك

فهد المويهي

**المغرمه** · 18-10-2002 18:25

ودي انسي عذابي معك
ودي اسافر في بحور غرامك
ودي في دنياك اغوص
ودي في قربك اصير
ودي في منال حبك
ودي تسامحني
ودي اشكي لك همومي
ودي ابكي علي صدرك
ودي اشكي معاناتي
ودي ابوح بجروحي
ودي اموت بين يدينك
بس ودي انسي
جروحك

عذرا علي مداخلتي التي ليست بشي عند قلمك الرائع
المزيد سيدي وسيد الابداع
المغرمه