يابنت روحي وانا يكفيني ذنوبي
مالك ومال الهوى وحبي وألاعيبي
خليني ابكي على ذكرا الهوى وتوبي
عيبك حنانك وانا اللي عارفن عيبي
يابنت انا اللي تعبت ابآخر دروبي
وماشفت من دنيتي الا عذاريبي
ضيعت دربك ودربي وضاع مطلوبي
شفتي البخت كيف ماحقق مطاليبي
طاوعت وقتي وزماني غير اسلوبي
حتى تساوت اساليبه وأساليبي
عرفت معنى امحبه والوفا دوبي
وعرفت احدد ملامح قسوتي وطيبي
ماقلتلك في هواي ونظرتي ذوبي
ولاقلتلك رددي اسمي وهذريبي
يابنت أنا اللي شقاي اصبح مثل ثوبي
وأنا صدوق وزماني حب تكذيبي
بس لايهمك خطاي وكثرة عيوبي
لي قلب صعب يتغير رغم تغريبي
لو غبت باقي غرامك مالي جيوبي
وشلون وأنتي عرفتي كيف تهذيبي
أنتي تعبتي تقولي وين محبوبي
وأنتي صبرتي على همي وتعذيبي
عزالله انك وفيتي رم عذروبي
وعزالله انك تغيبي بس ماتغيبي
هذا مصيري ولو طولبي هروبي
لو طال جرح الزمان اللي يماريبي
وأنتي هوى خافقي وحبي ومكتوبي
ويشهد على قولتي شعري ومكاتيبي
الأهـــــداء
لهـــــــــــــــا فقط؛؛؛؛
(أنا صدوق وزماني حب تكذيبي)
رد مع اقتباس
المفضلات