ماتفهم شي بس أدخل(مسابقه أفضل موضوع)

**ابو مشاري الشمري** · 11-10-2002 08:10

هذا أنا:D
وهذا الفاضي

أتحداكم اذا فهمتوا شي (خربطه بس ودي أقهر الفاضي)

قصه قديمه مره يوم كنا شيبان
رحنا سلمكم الله لرياض أنا والفاضي ونروح للببطحا (ندور وضايف)
ذبحنا الجوع المهم راح الفاضي وخذاله خبزه وقعد ياكل وانا تفركن سبدي من الجوع قلت يمكن انه يعطيني من هالخبزه بس ماعطاني. كلاها كلها ويوم جاء اليوم الثاني أنا معي ريال وربع أثري الفاضي مفلس ميح مامعه الا ربع ريال وشرابه هالخبزه اللي كلاها ولا عطاني شي منها.
وأنا أشتري لي خبزه بربع ريال وأجلس قدامه آكل ودي أقهره زي ماقهرني ويذوق زبيطان اللي ذقته
المهم انه قعد يترجاني تكفى أنا خويك وميتن من الجوع أعطيني من الخبزه.
أنا صرت نذل زيه ودلقمته تقل سنتويش وأقول به المهم قعد يبسي ورحمته شوي قلت له باقي معي ريال أسلفك نصف وترده لي اذا كان معك فلوس قال ايه تكفى.
سلفته نصف ريال.
المهم أشتغل وأنا مأشتغلت الا هالحين.
ذبحن الفقر قلت له انت أشتغلت وين نصف الريال اللي سلفتك. قال مامعي صرف معي ريال واحد. قلت أبي حقي
قال نروح ندور أحد يصرف لنا ...
رحنا لواحد يقاله ابو محمود قلنا عندك صرف قال لا روحو للمكان اللي هناك في الشارع هذاك تحصلون واحد أسمه ابو مرزوق تحصلون عنده صرف
رحنا يمه قلنا أرسلنا أبو محمود لك نبي صرف قال ماعندي اذا ماحصلتو عند ابو محمود ماتحصلون شي. رجعنا لبو محمود قلنا له ابو مرزوق قالنا كذا قال اجل روحو لبو حمد قلنا وينه قال روحو على طول يجيكم اول شارع لا ثاني شارع لا ثالث شارع أدخلوا معه يجيكم اول مدخل لا ثاني مدخل لا ثالث مدخل خشو معاه
يجيكم اول محل لا ثاني محلا لا ثالث محلا خشوفيه
تلقون اول صراف لا ثاني صراف لا ثالث صراف أسئلوه هذاك ابو حمد
المهم رحنا لبو حمد قال ماعندي ارجعو لبو محمود رجعنا له قلنا مالقينا صرف
.... واللي ذبحني الفاضي لابس زنوبه وأنا حافي شوتني الرمضى وكنت أقوله تكفى عطني نعل وحده واذا أحترت رجل نتبادل أعطيك النعل اللي يمين وتعطيني اللي يسار وعيا (نذل) مبسوط أنه متوضف.
قالنا لبو محمود مالقينا صرف قال روحو الى المكان اللي هنا ك بعيد شوي تحصلون واحد اسمه عنتر تحصلون عنده صرف .
رحنا حوالي خمس كيلوا والرمضى تشويني ياعله ماعادة ليتني ماسلفته.
المهم رحنا وسائلنا عن عنتر قلنا عندك صرف ريال قال لا اذا ماحصلتوا عند ابو محمود ماريح تحصلون صرف.
رجعنا لبو محمود قلنا عنتر ماعنده صرف ويقول اذا ماحصلتو ا عند ابو محمود صرف ماتحصلون .
|513|
قال ابو محمود عندي صرف ريال ومن اول مره جيتوني بس شفت كريشت زميلك (يعيني الفاضي)
ماهنا كبره قلت ودي أمشوركم على شان يخف وزنه
رحمته هو وكريشته (دبدوب)

صرف لنا أبو محمود
وأعطاني الفاضي نصف الريال ولكن حقد وزعل ومات من القهر لان كريشته طلعت من اكالخبزه اللي كلااها لحاله وانا ذابحن الجوع وماعطاني ولو قطيعه صغيره من الخبزه.

تمشور ت معه بس اللي قاهرني انه مكشخ بالزنوبه ولونه أخضر مانسيته
من الرمضى اللي شوت رجلي..

تعرفون شيبان والواحد مايجمع زين . القصه طوييله وأحلى من هالسالفه بس
ماودي أكمل تعرفون الفاضي (صديقي وقت الضيق)
ولا ودي أخسره..

وياهلا ومرحبا.

**أبــ شهاب ــو** · 11-10-2002 12:41

هههههه بالله اجل الفاضي مسوين بك كذا انا اوريك به

والله لا اخليه يصير زي هذا

واقوله لا كلش الا ابو مشاري

تحياتي

**عبدالله المهيني** · 11-10-2002 16:34

خبزه وزبون وسلف وصرف ريال ومشاوير

لا بعد وين بالبطحاء ياسلام

تصدق انها شيء
ههههههههههههههههههههه
أدري انك مانت مصدق لكن

يالله لك التحية وانتبه لا تسلف الفاضي مره ثانية

**ابو مشاري الشمري** · 11-10-2002 16:39

ابو شهاب
لا الخافي اعظم بس ماودي أحرش عن كل شي يطرد من فلة الحجاج
ماتعرفونه على حقيقتة.

تسلم ابو شهاب

**ابو مشاري الشمري** · 11-10-2002 16:43

المهيني
تصدق اني ماني مصدق ان اللي على بالي وبالك ينصدق.
بس دنيا.(أنا مافهت شي ......انت فهمت شي)
تشكر على مرورك وتعقيبك.
تحيييييييييييياتي

**مفتاح14** · 11-10-2002 18:36

ابو مشاري |502| |502|

وانا افتح موضوعك وانا اقراه وانا ادوخ وانا اسجل دخول وانا اروح لكتابة الرد وانا اجي ابكتب رد يمار مادري وش اكتب لاني دايخ وما فهمت الا ريال وسندويشه

بس انت والفاضي رايحينن به.. بشر عساك لقيت وظيفه .. والا لهالحين عاطل:D

تسلم على هالقصه المميزه

**الفاضي** · 11-10-2002 18:55

يعني انت الي مالك كشر يالنحيف

ابو مشاري وليه تعلم بسوالفنا مجلي اتفقنا ننسى لكن انا ابي اعلم

توا لابو مشاري له كرشه اكبر من كرشتي وبعد عيالوا مايلعبون على السرير يقمزون على بطنوه وينوقزون :D تقل ملاهي هههههه <<<<الخبل طلع الفضايح

تسلم ابومشاري بس لا تعودله:D
تحيات مديرك الفاضي

**ابو مشاري الشمري** · 12-10-2002 06:21

مفتاح14
تصدق جيت الصبح توي طالع من العمل الساعة 6 ونصف
وأنا اللي أسفت على ردك والقاك كاتب
وانا افتح موضوعك وانا اقراه وانا ادوخ وانا اسجل دخول وانا اروح لكتابة الرد وانا اجي ابكتب رد يمار مادري وش اكتب لاني دايخ وما فهمت الا ريال وسندويشه
..........
وأتا أفتح موضوعي وانا اقراء ردك وانا اللي اعيد اقراه مره ثانيه لاني مافهمة شي
وحاول افهم ماقدرة واقراه ثالث مره برضو مافهمت وانا اللي القطه قدامي واجلس اقراه وانا اكتب.
شكلي فهمت وانا مادري .
خشمك وينه وريناه تكفى امممممممممممممم اح.

**ابو مشاري الشمري** · 12-10-2002 06:27

الفاضي
وينك عساك طيب والله لك وحشه.
لاانا ماعلم بالفضايح كله تلاطيش من برى الى برى عقب يوم كنت بالبنك وتماسكنا الشوش والقنا صيع وقفله محارش (ابد ماجيب الا صحيح)
وينه ورينياه بسرعة لي يومين ماعطيته شي (شكلك أستانست انت وهاللي تقل عقب عصملي)
يستاهلها امممممممممممممممممممممم اح

**ابو غازي** · 12-11-2004 22:10

[align=center]تذكرت هالمطنوووخ >> [blink]طاااااااااااط [/blink]>> قصدي الفاضي

قلنا نرفع الموضوع للي ماشافوووه >> هالحين يتفضل
7
7
ذكريااات إثنين >>> مصطلين دايم ولا ينفهم عليهم

[/align]