احبتي
السلام عليكم ورحمة الله وبركاته
مع نزف شعري جديد وجرح قد لايندمل
ازف اليكم بكل آلام الشعراء هذه القصيده واللتي اتمنى ان تنال اعجابكم
[poet font="Simplified Arabic,14,black,normal,normal" bkcolor="" bkimage="http://shammar.org/vb//backgrounds/20.gif" border="double,4,gray" type=0 line=200% align=center use=sp char="" num="0,black"]
وين انت ياللي تبي ضيقي وأحزاني = وينك ابا ابشرك باحلى تباشيرك
أفرح تراني من الضيقات تعباني = واشمت وخيم على الجو بمزاميرك
وأفرح تراني ببحر الهم غرقاني = صوّت وزغرت ورقصهم مساييرك
عذابي اصبح عقب لونين..ألواني = واتعابي اكثر من اللي يرجي صديرك
والحظ ميت،،وواقف صوبه الجاني = وانت اللي ترجي تحقق من مشاويرك
والوصف صعب على قافي وعلى لساني = لاكن حقيقة دروبي ماسعدت غيرك
وافرح ترى النوم ماتهنى به اجفاني = صدّق ولاتكذّب حكايات تفسيرك
وأفرح ترى الغربه وتشتيت الاوطاني = بها كثير من خطوطك وتسطيرك
وأفرح ترى العون مقطوع عن العاني = الا من الله ...عساه يقلل بخيرك
لوني شجر..ماتوقع تورق اغصاني = امووووت عطشان والسبه معاييرك
لعبت باحساسي الصادق ووجداني = لاكن تمهل ... ورووووح الله لايجيرك
وانابربي ومعبودي بحلفاني = ثاري واباخذه منك وموتك بغيرك
وان حصّلت عزوتي وعيال اخواني = لايمكن اني افكر مثل تفكيرك
ماهمني لو تخون افكاري اشجاني = ماشيف بالعين اصدق من تصاويرك
كل تهنى ،،ونوم الليل سلطاني = وانا بليلي افكر في تدابيرك
حتى اقرب الناس ،،صار اليوم قوماني = وانته وهرجك وابو وجهين يسري لك
وماهمني لو درى بي فلان وفلاني = ابدى وحسب من اولها مخاسيرك
انا اعرف منهم اصحابي وخلاني = وان جاك رايي ترى والله ماشيرك
انا اعرف منهم اصحابي وخلاني = وان جاك رايي ترى والله ماشيرك
طيري لعب بي مع الغيمات طرباني = والاانت،،دايم تحت وكر الخنا طيرك
ماتبتدي لعبة اللي دوم خسراني = ماتبتدي ،،شوف مقياسك وتسعيرك
[/poet]
وسلالامتكم
رد مع اقتباس
المفضلات