[poet font="MS Sans Serif,14,white,normal,normal" bkcolor="" bkimage="" border="double,4,gray" type=1 line=200% align=center use=sp char="" num="0,black"]
موقف
ماهي منتبهه
لكن انا من اول مادخلت القاعه انتبهت
وكنت الغي قصيده
كان اسمها الظاهر الوقت
وهي من اخر ماكتبت
واذكر منها بيت
او كم بيت
خيرتها وقالت احبك هنيك= فيني ليامني عشقت وتولعت
والله لا فدي ميتك قبل حيك = لا جلك فلا اصد لمسافه ولا وقت
بنتٍ ترى ان ضحيت ماني بزيك = واصبر وشوف شلون لا ضحت البنت
شدها البيت
وارتسمت عليها ابتسامه من غرور
شافها كل الحضور
وقلت في نفسي
يوم أقبلت لبست من عيون البشر عقدٍ وعقد = تزينت غصبٍ عليهم عقد غيره وعقد عين
مغرورةٍ ويحق له دام القمر له صار خد=مادامها لبست قلا يد من عيون الحاضرين
حتى اساورها الذهب تفاخرن في كل يد = ياقبلة الله ضعت انا بين الا ساور واليدين
لا حكت تقطع حديثه خصلةٍ عيت ترد = عجزت يديها لا ترد هاك اللعوب المستلين
واليا ضحكت جمر الشفايف بان من تحته برد = وشلون ماذاب البرد مادام فوقه جمرتين
قالت وماصدقت
اي والله هي
قالت تكفى عيد اخر قصيده قلتها
قلت اسف
قالت اجل مغرور
قلت وشلون ماانغر
واغلب الحاضرين شمر
وقلت بصوت عالي
قالولي مغرورٍ ولا انته بمعذور = حتي غرورك تحسب انه نواميس
قلت الحيا ماهو غرورٍ ولا قصور = وان قلتوا غرورٍ انا اقول باابليس
معذور انا لو قالوا الناس مغرور = وشلون ماانغر والرفاقه سناعيس
قالت تكفي عيد
قلت يكفيني يوم انك انتبهتي
وانغريت انا يوم صفقتي
ودي اعيده لكن
وربي خايف عليك
غاليه عندي يديك
صفق لي اللي عازمٍ جيده الصبح = لا قلت كلمه صفق وقال عيده
خايف مجاهيمه تفلت على الوضح = ودي اعيد وخايفٍ يكسر ايده
وابتسمت وراحت
والا الفجر أذن وابوي
الله يطول بعمره قال كافي احلام
قم صل
وقلت ابشر
وقلت ابشر
اخوكم000 فيصل اللويش
[/poet]
رد مع اقتباس
المفضلات