يا عين شوفي منتدى اهلك وراعيه
هذي مضافاته وهذا رقيبه
لونه وشكله وكل ما نخبره فيه
مار ان نفسي من سكونه مريبه
بعد الزحام الي بوسطه نلاقيه
اليوم ما يلقى المنادي مجيبه
وين المضيف الي كثيرٍ تلاحيه
والثاني الي زين الأهداء نصيبه
والفلة الي من يجيها تسليه
مهما حمل من هم يضحك غصيبه
وقسم الأدب يا حيه وحي مريديه
نفايس أنفاس العقول اللبيبة
قصة وقصيدة كنز الأجداد حاويه
منهل ومرجع للعلوم العجيبة
والشعر بأنواعه فصيحه وشعبيه
فخره هجاءه والرثاء ونسيبه
تزرعه مبدعته ويسقيه غاويه
وتصبح رياض المنتدى به عشيبه
يا كثر ما سجنا القلم والنظر فيه
واليوم قصّر حظنا أو نصيبه
ما عاد لغصون الشعر من يناغيه
ولا تهزهز من طرب به عسيبه
طارت طيوره مالها غايةٍ فيه
تطشروا للفيس بوك وصحيبه
ومن مر بعد غياب جر التأاويه
وقفى حزين وعنه واصل مغيبه
رد مع اقتباس
المفضلات