سبب تسمية الفوتوشب (مسابقة اطنخ موضوع) لا احد يدخل الا الجايزة معه
[c]
بسم الله الرحمن الرحيم
[/c]
أما بعد :
أخواني أخواتي يا مرحباً فيكن في موضوعي الجديد كليا واللي حطيت له اسم:
(سبب تسمية الفوتوشب بهذا الاسم)
أولا: نبذة عن برنامج الفوتوشب:
بسم الله برنامج الفوتوشوب هو برنامج يوجد من عصر من الزمان >>>--- استر على اللغة
ايو الله وهالبرنامج ماسووه الا علشان أعضاء مضايف شمر يسوون لأنفسهم تواقيع بحجم 600*300 بيكسل >>>--- وراه مصلحه
وهالبرنامج ترونه خرابيط لا يهمكم مروح مابه الا الدجة >>>--- طبعا للي مايعرفه
اما اللي يعرفله فهو (يد رافع ابهامه) مثل فناننا المحترف جهزالهمزاني ووفواز >>>--- ابد مايسوي دعاية
والله ياهو (ياهو ولا هتميل) >>>--- والله انك ثقيل دم ياقدمك
على العموم نكمل ونبدا بقصة سبب تسمية هالبرنامج بهالاسم:
بسم الله نبدا
أولاً: أبطال القصة:
عمير : من ديرتنا حايل بعد حيي.
صعفق : مسلم أمريكي. >>>شلون يجي هالاسم
ثانياً القصة:
جا الأخ صعفق لم السعودية يبي يتعلم الاسلام واللغة العربيت ويوم جا وهو يروح لا لا امزح ماراح بس جلس يتعلم اصول الدين على يد عالم ويوم جا هاكليوم وهو يسمع عن ديرة ينقالها حايل فقال ليش ما اسير على حايل ونشوف وشبها ووش مابها ونبي نسكن به بلنا فندق 5 نجوم >>>--- مايدري ان به فندق ماخلصوه له 30 سنه والفندق الثاني مايجي ولا ربع نجمة.
نكمل عاد وراح لم الخطوط الجوية السعودية وحجز برحله لم حايل وهم يعطونه الموعد يوم السبت الساعة 7 الصبح ويوم جا يوم السبت وهو يروح لم المطار وهو جالس بالانتظار اللي ينقاله بالعنجليزي سويت هون يعني استريح هون
وهو جالس لمح بجمبه واحد تقل انه طيب فقال خلني اتعرف عليه ودارت بينهم هذي المحادثة:
صعفق : السلام عليكم ورحمة الله وبركاته كيف حالك يارجل (طبعا يحسي لغه فصحى)
عمير : وعيلكم السلام و... طارن عيونه امريكي يحاسيه
صعفق : مابالك يراجل تبرزن عيونك؟؟؟
عمير : هلا والله وشلونك.
صعفق : انا امريكي مسلم واريد الذهاب الى حايل فهل انت من أهل هذه الديرة.
عمير : (لازال منبهرا من هول الموقف) ونعم والله وشلونك
صعفق : لا تضيع السوليفية (السالفه) وقلي هل انت من اهل هذيه الديرة ولا لا.
عمير : الا والله انا من اهله ماودك تعشا عندنا الليله (على طول هالكرم ماشا الله)
صعفق : الا والله >>>--- قلب عامي
عمير : حياك الله ياهاذي والله الساعة المباركة.
صعفق : أجل تم خلاص انا خوينلك من الحين الا ان اتعشى عندك الليله.
عمير : (ولا زال منبرها) والله صدم الله يرحمه
بعدين ركبوا الطيارة ووصلو حايل بالسلامة.
ويوم وصلواحايل وهو يجي خوينا الامريكي ويروح مع عمير لم البيت طبعا بيت عمير >>>---أجل بيت من؟
ويوم وصلوا وهو يقول للمعزبة اطبخي العشاء وخلي العيال يجيبون القهوة والشاهي والقدوع وهو يقهوي الامريكي (عاد وهو يتقهوا الامريكي القهوة قام يتمرعص حامضة)
ايوالله انتم معي >>>---اجل مع من؟
المهم راحوا يتمشون يشوفون حايل ويوم خلصوا رجعوا لم البيت >>>---اجل وين
وبعد 3 أيام قال الامريكي ابي اروح لم اهلي لامريكا ابي ادعوهم للاسلام (حظيظ يبي يكسب اجر ماهو حنا
المهم راح هذا لم امريكا وجلس يحسي على اهله عن كرم اهل حايل وطباعهم الطيبة >>>--- هذا اللي يبي يعلمهم الاسلام
وتذكر الامريكي خوينله قال خل اروح لمه واعلمه عن اهل حايل واقولهم عن طباعهم الطيبة وكرمهم الحاتمي
ويروح لم خويه ويحسيله عن حايل ويتكلم عن كرمهم وطباعهم الزينه ومن هالزززززززززززززززززن طع
وقاله خوية المرة الجاية اذا بغيت تروح لم حايل قلي علشان اروح معك قاله صعفق انا ابي اروح عقب اسبوع عازمن خويي اللي بحايل قال خوي صعفق تم نوبروبلوانكم >>>--- خوش عنجليزي.
وبعد اسبوع راحوا لم المطاروحجزوا لم حايل
تبون تعرفون وش صار لهم بالطيارة تابعوا معنا الجزء الثاني من القصة...
لا لا امزح معكم استلموا:
وهم بالطيارة راكبين بدت تمشي الطيارة وشوين شوين شوين الين اقلعت وكانك تقولها (هدا هدا يابو الريش
وفجاه اعلنوا بالطيارة انها مختطفه يماااااااااااااااااااااااااااااه اشوا اني مني معهم وبلشوا بارواحهم بدوا البزارين بالبكاء >>>--- E
وبعد برهة من الزمن والجو بالطائرة يخيم عليه الخوف والاضطراب >>>---شلون كتبته - وبعد ان شعروا الركاب بالقلق عقب اللي صار للي فجروا الابراج خايفين انهم يكملون عليهم فجاه يدخل احد الخاطفين على المقصورة ويقول : استسلموا فانا رئيس عصابة الخاطفين >>>--- بزعمه شديد
قالوله تكفى خلنا اطلق صراحنا اتركنا نذهب ونروح لم ديارنا قالهم نو نو نو نو ثيس از نو
وهو يمشي الرئيس بين الركاب فجأة انشقل وطاح وطار المسدس من يده وطاح بحضن خوينا طلال >>>--- طاش ما طاش
وهو يقوم ويغز المسدس على الرئيس طبعا رئيس العصابة >>>---الله لايخسر
انخرش رئيس العصابة وجلس يتشحذ صعفق وصعفق يقول إنـ ......... قلع >>>--- هذي الكلمة برضوا مايعرفها الا الفاضي
وراح يهدد باقي الخاطفين الين ربطهم كل ابوهم وحشرهم بالحمام وانت بكرامة ومافيه انواع المسط بهالخاطفين
ويوم وصلوا حايل وهم يركبون مع التكسي وسيده لم خويهم عمير
7
7
7
7
أرجوا التركيز زيادة بهالمقطع هذا:
ويوم طقوا عليه الباب وهو يفتح لهم ويوم شاف خويه وهو ينجن ويخمه لأنه سلم من الاختطاف ويباركله بالمفتاح
وبعدين سلم عمير على خوي صعفق ويقلطهم:
وهو يقولهم (فوتو) يعني اقلطوا وهو يقول لولده (شب) يعني ولع النار وجب القهوه والشاهي...
انتهى مقطع ارجوا التركيز
ويوم قهواهم وراحوا رجعوا لمريكا >>>---ياسرع مارجعوا امداهم جايين >>>--- اسكت يارجال يبي يخلص ويمشي بسرعة
وقام خوي صعفق الامريكي الثاني يبدا يصمم برنامج لعمل التصاميم بالكميوتر فـ وهو جالس يفكر باسم البرنامج طرت عليه كلمتين من البدوي اللي هن :
(فوتو) (شب)
فقال ليش ما اخلي هالبرنامج باسم هالكلمتين وخلا البرنامج باسمهن عاد
مايستفاد من القصة :
1- لازم آخذ الجايزة يعني لازم غصبن على الفاضي وابو مشاري وكل الاعضاء >>>---يلعن ابو المونه
2- ان كل البرامج اللي بالكمبيوتر اسمائه ماخوذه من حايل
3- انك ياجاك امريكي قله كلمه غريبه علشان يسوي برنامج على اسم هالكلمة.
ملاحظة:
1- الكلمات اللي مايعرفه الا الفاضي اسالوه وشن
2- اللي يرشح موضوعي للجايزه عندي له هديه >>>--- بخشيش عينك عينك
2- بعدين يامفتاح عجل عفوا مفتاح اربع طعش الجايزةلي يعني ليخلاص انت اصلا
انت والشيخ محارش_محارش خشومكم
والسلام ختام...........................
رد مع اقتباس
المفضلات