سيف الغلا
لا واللـــذي قــــدر محبتــــك واعطــاك
مكانــةٍ بالقلــــب مـــــــحدن وصلــــــه
وكملك يالمملـــــــوح بالحســن واهـداك
سيف علـــي في كل ليــــــلٍ تسلــــــه
اللي مشقتـــه من جفيـــره بيمنــــــاك
واصبح لك الخفــاق غــــــمدٍ محلــــــه
سيف الغلا اللي طوع القلب لرضـــاك
واسســـت لك بـــه دولــــــة مستقلــــــه
اني ولو صديت ما اقصــــدي اجفـاك
ولا ابعــدت كـــن القلب تصـــلاه ملــــه
احساس ابن حثلين في سجن الاتراك
اللــــي تـــجوز عشقتــه صاحبٍ لــــه
يا اللــي تقــــــول الناس كلــــه تمناك
كانك تمنـــى الناس تفـــداك كلــــــــه
والـــروح معـــهم تلهــــــا من فديـــاك
لــــو ان روحــــــي كــل يوم تتلـــــــــه
جميــــــع شيٍ نملكــــه تحت ماطــاك
مابخــــل بمطلــــــوبك وانا قاويٍ لـــــه
الا طلب ! لو تطلبــــــه قلــــت ماجــاك
لو كانت امـــــي من طلبينـــه هــلــــه
يفتر دولاب القــــــدر فــر الافــــــلاك
تصــريف من كــــل البشر قـــادرٍ لــه
ابعـــد واعيش اللي بقا لي بذكـــراك
في وسط قلبي حافــظٍ لك سجلـــه
واحاول اسلى عنك يامـــا اتســلاك
احــب عنـــدي من ركوع المذلــــــــــه
رد مع اقتباس
المفضلات