الا يا زين قلي شلون اعبر لك عن اعجابي
****** نظرتك هاج بي شوق الغرام ولهفة العشاق
نسيت بوجنتك بعض الكلام وتاه باسبابــي
****** من اسبابك تهيا بي بجوفي جمرة المشتاق
تلعثم بالحكي لساني ولا ادري وين ودابي
****** ابي منك العذر لا تحسب بطبعي قليل اخلاق
انا من روعة عيونك حسبتك اروع احبـابي
***** احسب انا التقينا من بعد مده وطول فراق
خذاني البارحه فكر الفؤاد وضيع صوابـي
****** لخيالات ومتاهات وامل امح بليا افــاق
انا لو تعرفي صمت الجروح وقسوة صحـابي
****** انا لو تعرفي روح الشقاصبره قلم اوراق
وبعض من العذاب اللي يموت بحرة اهدابي
****** وبعضه ينهمر دمع القهر من قرة الاحـداق
فقير المال والاحوال طيبي بالوفا حسابي
****** وسيع البال لاحباببي لو صدر اليالي ضاق
وشاحكي لك بعد يازين قريتي اغلب كتابي
****** واخر اخر حروفه... كتبها حسنك التـواق
السمن العرابي
ـــــــــــــــــــــــــــ
رد مع اقتباس
المفضلات