اشـــتـــقــــت للـــصــــــــــوت

**البــنــدري** · 09-10-2002 00:30

اشتقت للصوت .. لك للحب بغيابك

وينك تناديك روح منك ملتاعه

خذاك ليل وخان الليل ماجابك

غدرني الليل ماكنت اعرف اطباعه

رسايلي صوت حزن وهم بكتابك

جاوب لصوتي اذا حسيت باوجاعه

كانك تبيني وتحسبني من احبابك

اسال عن اللي غلاك اسنين ماباعه

وش اخر اخبار حلم يسكن اهدابك

لاضاع ..لاضاع ..ضاع الحب بضياعه

للذكريات الجميله لاول اعجابك

لك شاعرك لاكتب في حبك ابداعه

هجرك وصالك حديث الحب واعتابك

جمله تحرك شعوري شوق لك طاعه

حزني ضياعي قدر مدري من اسبابك

عطني الفرح ثانيه ..وخذ الفرح ساعه

علي المبرد

**فيصل اللويش** · 09-10-2002 00:43

الغاليه

البندري

لقد شدني اسم الشاعر

اشكرك على حسن الا ختيار

فالشاعر على المبرد

زميل دراسه واكثر من أخ لي

وشاعر من العيار الثقيل

صح لسانك ولسان الرائع على المبرد

ولقد تم تثبيتها من قبلي لتميزها

اخوك000 فيصل اللويش

**البــنــدري** · 09-10-2002 00:50

تسلم والله ياعملاقنا

علي المبرد اسم غني عن التعريف ..وانا تشدني كتاباته كثير ..وهالقصيدة حاولت من فتره انشرها لكن حصلت مشكلة بالنشر وهذا انا اعدت نشرها وللعلم هي عندي بدفتر ونقلتها لكم لكي تستمتعوا فعلا بابداعه ..

اخوي بوطلال .. لي شرف تواجدك وتشجيعك ..وتثبيتك للقصيده

وتقبل اصدق تحياتي