قصة الشمري اللي يصلي وجته عشيقته .. ؟؟ قصة حقيقة

[عديل الروح]

قصه حقيقية


جرت أحداث هذه القصه في الشمال ( لاأعرف أين ) لكن خوينا الشمري كان يحب وحده من جماعته ويغليها حيل .. كانت لو تطلب قلبه عطاها وفوقها عيونه الثنتين .. وهي عارفه غلاتها عنده .. لدرجة .. إنه إذا كان يتحدى مع شباب عشيرته .. كان لاقال لعون فلانه ( اللي هي حبيبته ) يصيب ( بالله وإلا بعبدالله ) المهم هي تعرف غلاه .. ومرجبه غلاها عنده بكل شي .. من القراده جته يوم وهو يصلي عند الغنم .. وقالت بقلبها .. إيه أبشوف فلان لاسلمت عليه وهو يصلي يقطع صلاته عشاني وإلا مايقطعها .. المهم .. قالت له بالخير .. والرجال يسمع صوتها .. لكن وش يسوى مايقدر .. قالتله مره ثانيه بدلع .. بالخير يافلان ( يعني إنتبه تراني فلانه ) والمسكين بين يرد السلام وإلا يكمل صلاته .. وقالتله .. ثالث مره .. بدلع .. بالخير يافلان .. المسكين ماقوى .. قطع صلاته وألتفت لها وقال هالبيتين على الطاير : ..



هلا هلا يارمت الحي والميــــــت .... أخلفتنـــي والهيتنـــي عن صلاتي
أفز أنا لقبلت وأقفي إليا أقفيـــت .... وإنت الوكيــــل إبميتتي وبحيـــاتي



وبعد أن قال لها هاذان البيتان .. قال (( الله أكبر )) وأكمل صلاته .. كلها لعيون فلانه .. الله يخلفها إخلفته عن صلاته ...

أتمنى أن لاأكون ثقيل عليكم .. والقادم اجمل ... !


عديل الروح ..

[شموخ]

ههههههههههههه

والله حلوه بس لاتدعي على البنت وتقول الله يخلفها الله يخلفه هو لها الدرجه ماقدر يصبر لين يكمل صلاته وبعدين يرد عليها ،الله العالم بعد كيف كملها الظاهر كملها وهو يفكر فيها


من الحب ماقتل

تقبل تحياتي اختك شموخ

[هـــلا]

من جد حلوه اخوي عديل الروح

ومثل ما قالت اختي شموخ
لاتدعي على البنت وتقول الله يخلفها الله يخلفه هو لها الدرجه ماقدر يصبر لين يكمل صلاته وبعدين يرد عليها ،الله العالم بعد كيف كملها الظاهر كملها وهو يفكر فيها

[عبدالله الجعيثن]

حياك الله ياعديل الروح

وتسلم على هالقصه والقصيده وهذولي نقاشات شطب مروان مايبيلهن حكي.

ويقول الشاعر:

عقبني وانا بمسيجدي اطلب المقسوم
تركت الصلاة وجزت عن باقي السنه

اناحالف منساه طول الليالي دوم
ياكود العذارى طاري العرس ينسنه

تحياتي

اخوك: الغازي

[طلال صعفق الحافظ]

شكرا لك عديل الروح

والله يا انهم يالاولين ما خلو شين الا ابدعوا بوه

يعطيك الف عافية

واستمر وثابر على ذلك ولك جزيل الشكر

[النجلا]

قصه ولا اروع اخوي عديل الروح..
ياليت نقرا اكثر واكثر منها خاصة القصص القديمه
وبالتاكيد القادم اجمل واحلى .
تحيااااااتي لك ..

[ابو غازي]

تسلم أخوي عديل الروح

الحقيقه قصة جميله وابيات اكثر روعه وقصص الاولين على الطبيعه

ودائماً تلقاها رهيبه

أبي أسالك

هل تعرف أيضا قصت الذي قال لمحبوبته يوم إنها عاتبته على التاخير

وقال لها

يارمــــت الحي والميتي ++ نقراء التحيات مع ماجــــد

أنا أسف على الإطالة

نبي المزيد منك ياغالي

اخوك ابوغازي

[عديل الروح]

شموخ : شكراً على مرورج .. والكلام اللي قلته ( إخلفته ) ترى مو مني كالنا س يقولونه
هلا والله وغلا :شكراً على ملاحظاتج وبلا عنصريه .
الغازي : شكراً على مرورك الكريم .. وتصدق إني أدور هالقصيدة من زمان :
عقبني وانا بمسيجدي اطلب المقسوم
تركت الصلاة وجزت عن باقي السنه

اناحالف منساه طول الليالي دوم
ياكود العذارى طاري العرس ينسنه
(( صكيت علي )) شكراً أفتدتني كثير بهالبيتين .

طلال صعفق الحافظ :الله يعافيك .. وتسلم على هالمرور ...
النجلا : أبشري إنشاء الله بكل شي حلو .. ومالج إلا طيبة الخاطر .
أخوي ابو غازي : والله الأكثر روعه إنت .. والقصيدة اللي قلتها ماسمعت فيها .. وشكراً .

أخوكم .. عديل الروح ..

[عبدالله الجعيثن]

ماتغلا عليك يالغالي:

[poet font="Arabic Transparent,18,chocolate,normal,normal" bkcolor="" bkimage="" border="groove,7,red" type=0 line=200% align=center use=sp char="" num="0,black"]


انا امس الضحى عديت في عالي ام رجوم
واخيل العذارى زملهن يوم ينحنه

الا ياوجودي وجد من قيل بالمرحوم
توفى ياعله عقب دنياه بالجنه

على جادل شدو هله مع رحيل اليوم
ولا يرجعون الا على حزة الكنــه

الا ياغزال فوق خده ثلاث وشوم
اليا هج مع صبد الخلا مايهابنه

عقبني وانا بمسيجدي اطلب المقسوم
تركت الصلاة وجزت عن باقي السنه

اناحالف منساه طول الليالي دوم
ياكود العذارى طاري العرس ينسنه
[/poet]

[سالم]

تسلم على نشرها ,,,

قصه رائعه ,,,,

يعطيك العافيه ,,,,,,,,






تقبل تحياتي ,,,,,,,






سالم الشمري _ الدمام