مالديفتي وهاوايتي وموريشوستي :)

[عبدالرحمن]

بالله وش نطالع لو صار اللوحة مايلة والصور مايلة
حي الله مندوبة عبق التاريح>تقل خوش اسم
صور رائعة تسلمين وتشكرين اختنا الراقية عليها.

[-------]

المفروض تكتبي لنا القصة كاملة من اول ماقررتِ تسافرين الــ حائل



الى لحظة رجوعك مع الصور ...


ع فكرة عجبني سوق الحريم .. << تحية لًــ شموخ


تسلمين ..

[المشرف العام]

بزعمي هالباب زينه بس " ماعمري شفته مفتوح " ، المغوّاه ورى الضلع .. منتزه جميل فيه اكلات شعبيّه ومسرح يتم تشغيله وقت الفعاليات


.
.

المهمّ . . انقطعت رقبتي وانا اتهايق ابي اشوف باقي الصور ، انتِ تصورين ورقبتك متصاوغه


تسلمي وإن كنّا نطمع بأكثر


اخوك
ابو سلطان

[عبدالرحمن]

^^^^
اكيد هي متصاوغة وصاوغتنا معاه ههههه
الا اشرايك نقضي راس السنة براس الضلع
الا عطنا صور رحلة ابو سلطان لديار الجرمان<يصلح عنوان كتاب هههه
حفظك الرحمن في حلك وترحالك. شفناك قلنا نتمحرش بالالمان هههه

[الجازي]

نجي الحين لرحلتنا لتوارن

لبى قلبها ياناس

مسكنا الطريق ودرعمنا لما وصلنا نفود رالي حايل جاز لنا المكان وقفنا نتغدى فيه ونتفرج على اللي تجمعوا آخر الوقت عشان يطعسون

يوم جينا نحرك نكبتنا السيارة وغرزنا أحلى تغريزة

طبعا الشباب ماقصروا طلعونا وعزمونا عالعشاء لو الهوى لي تسان مستعزمة ما والله أردهم

بس يالله خيرها في غيرها

الزبدة سألناهم عن طريق توارن قالوا وييين تعديتوه أنتم الحين حول جبة

آآآه ياجبة

قلت بس دامنا وصلنا حولها خلونا ندخلها

لكن ماعندي أحد يرد الصوت قالوا مامعنا وقت يالله يمدينا نلحق على توارن عقب هالتغريزة ضاع وقتنا

ونرجع لتوارن

يالبيه ياتوارن

اكتشفت إني إنسانة حالمة جداً جداً جداً

من دخلت وأنا عايشة جو حاتم وأتأمل في آثار قصره والأطلال اللي بقت منه وقفت عليها <<< أخيراً جربت الوقوف على الأطلال

الزبدة وأنا في قمة خيالي جتني خبطة عشوائية بغت تصيب رومانسيتي في مقتل

قالوا لي الحين أنت مصدقة إن هذي بقايا قصره !؟

بيوت أهلنا مالها مية سنة وطاحت وذا أكثر من ألف وأربعمية سنة وقاعد على حاله ماشاء الله !!!؟









بغيت أصحصح وأصدق بس ماودي والله


قلت ايه وش فيها يمكن عمارتهم قوية او ان اللي بعده يرممونه <<< تسمع بالتبرير المنطقي

قالوا أصلا من قال لتس انه يسكن ببيت طين

من عمر الدنيا وحنا نسمع ان حاتم يسكن بيت شعر ويتنقل




خلاص ياعالم سلكوا لي طيب خلوني عايشة جوي ليه التنكيد

المهم مالكم بالطويلة هذي الصور اللي اخذتها للقصر قبل ما أتحطم

[شموخ شمالية]

.

.




الضاهر أنتس تصورين وأنتي منجضعه
وش هالتصوير بالله



على إن الصور بايخة بس الصراحة من بعد ماجيتي ماأنقطع عنا المطر


تكفين أرجعي ثاني مرّة غديه يطلع التسما


.

[الجازي]

هههههههههه

الجازي !!
ترى اللوحة المايلة هي من الوجد لميلة العقال


وبعدين تعالي عندي هنا >>> وش الصورتين اللي حاطتهم هذولا ، ومن وين جايبتهم ؟
ياتحطين صور زي الخلق والاّ موضوعك هذا بشوف له شوفه ، واطيره لحفرة الشبث..
صحيح انك من كبار الشخصيات ومالي سلطة عليك ، بس ممكن اصير ارهابي.....


عنوان الموضوع ذكرني باللي يحاول تعريب كلمة بريزنتيشن
يقول: هذي وحدة من بريزنتيشناتي



تحاياي الجازي،،،

ياهلا بك يابو مشعل


اي والله انك صادز تسيف فاتت علي ميلة العقال

عز الله انك جبتها

أما سالفة العنوان تصدق مدري وش حدني عليه


تشرفت بمرورك أخوي

[الجازي]

ي لبييييه بس





تابعي لي عوده ي الغلا

" يثبت "

لبى قلبتس والله

نورتيني

[الجازي]

يالله يالله رووووووووووعه
هههههه
بإنتظار باقي الصور الى وصلتوا حايل

والله إنك أستاذ في التشجيع

مب مثل هاللي يتنقدون ويحطمون <<< أبد ماتقصد أحد

حياك يابو فيصل تشرفت بمرورك

[الجازي]

،





تمزحين ؟

بس هالصورتين يا ظالمه ؛(


أنا أحتــــج !





.
.

لايضيق صدرتس

احتجاجتس جاب نتيجة

عاد لاتعذربين بالصور مثلهم ,, انفخيني شوي

نورتي يالغلا