يوم الخميس 1 / 11 / 2012
كان يوم مش ولا بد بالنسبه لاهل الرياض
صحينا على صوت الانفجار
انا كنت نايم
يوم صار الانفجار طاح وجه المكيف على وجهي
وابشركم سلم وجه المكيف << يدري مهم سائلين عن وجهوه
المهم
طلعت ابي اشوف اللي صاير وشو
احسب اسطوانة الغاز انفجرت
ولا هذا ابوي طالع يركض بالمقوووصر
واركب السياره واطلع
وامر الشارع اللي ورا بيتنا ولا المحلات كلهن متكسر قزازهن ومنعفسين
وابو بنقلا وابو هنود كلهم مجتمعين بالشارع
واجي واحد منهم اسموه مشتاق عشيرن لي
قلت وش السالفه
قالوا صاروخ ضرب الحرس الوطني << بدينا بالهلس
لا الدخان قريب مهو سالفة الحرس الوطني
وانا ارجع للبيت
بالليل رحت انا وابوي سيرنا على واحد من الربع
والشيبان مجتمعين
تعااال شف التحليلاااات
والله ما الوم ابو هنود يوم يقول صاروخ
واحد من الشيبان يقول
الحادث عباره عن اربع تريلات
تريلة غاز + تريلة ديزل + تريلة بانزين + تريلة قاز
حشى
والله لوهم متواعدين ما تصادموا كلهم
شكله طلب من بوفيه مهو حادث
والثاني قام بنص المجلس يخطط الحادث
شكلوه متقاعد من المرور
عاد المسكت بهم
قال بعد شكوت طويل
ياخي والله انكم خبول
هذي لعبه من الدوله وش عرفكم انتم
باتسر يرفعون سعر الغاز علشان هالتريلة
عليه تفكيييييييييير مدري شلون
بس بيني وبينكم فكرتوه وارده
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات