مساء الخير على الجميع
وكل عام وأنتو بألف خير
حبيت أجدد تواصلي معكم بـــ هذا الطرح القديم نوعا ما
أتمنى ينال على رضاكم
واعذرونا على القصور مقدما...
مدخل...
تصدق إني بديت آدوخ
لآ جات ذكراك في قلبي
بين الخلايق كذا منسوخ
إلا أنت ما كررك ربي
نآفذه...
تعبت أداري نفوس الناس
وما فيه نفسٍ تداريني
أحط بكفوفهم للآلماس
وأنسى من الطيبه ايديني
يا صاحبي بآخر الأنفاس
شمّت فيني معاديني
يا طيّب القلب والإحساس
وش أخرجك من مياديني
خليتني ف الزمن حسّاس
أدناة كلمه تبكيني
خذني من الجور للآ باس
وأشعل شموع الفرح فيني
قد كنت لي في عراي إلباس
يا أغلى وأكرم محبيني
واليوم تتبع ورا البلاس
وتطوي معك صفحة سنيني
رابع سنه والأمل عساس
يروح ما بينك وبيني
لو ان بعدك طبيعي خاس
لكن بعدك معنيني
أعلنت من جيّتك ل فلاس
وما عاد جيّتك ترضيني
مخرج ...
عزّي ل عيني كان باتت من الدمع
غرقا وكم من عين ف الحب غرقا
مفآرق الغالين ما يشعل الشمع
ماغير نمسي منْه والكبد حرقا
وسلامتكم
أخوكم/ عبدالله هادي آل منصور اليامي
رد مع اقتباس
المفضلات