البارحـه .. مـن ضيقـه الصـدر محـسـوس
غـابت علي الـشمـس فـي راس قـمــه
رجلي على جمره ، و كبدي على مـوس
عامـين و الثالث عـلى اخر مـتمه
صديـت عــن وادي بــه الحـبـل ممـسـوس
و عـن وجـه بـن عـمٍ !! يهـيـن بــن عـمـه
ما قلت جعل الروس تفدالها روس
اقـول وجـهٍ تمدحه !! لا تذمـه
لكن بـيت النمل و الذر و السوس
ماهو بيت اللي كبير معـمه
ادري ان مسيري عكس و الدرب معكوس
وادري ان سلاح الداب نابه و سمـه
ماكل جاسوس نـسـمـيـه جاسوس
لو نـعـرف اللي كلـفه بالـمـهـمـه
الناس نـبت بروسهـا ريـش طـاووس
تـفاخروا لـيـيـيـن انكر العبد عمه
تنومـسوا فـي شي مـاهـوب نامـوس
مـثـل الـصـلاة !! الـلـي عـلـى غـيـر يـمـه
اللي معـه دفـتر سـنادات و فـلوس
و يرهن مقـابلهـا كرامه و ذمـه
يعطـيـك فـي الحـسنى ندوات و دروس
ويـصـرف لك الاخلاق مـن راس كـمـه
ان عـاف ماكن الطـمـع فـيـه مـغــروس
وان طمـع فـي حاجه نـسى ابـوه و امــه
مانوس يالوادي !! و الا انته بمانوس
مهم ولا فـيـك حاجه مهـمه !!
اللـي عـلى جالك يـصـيـدون جامـوس
واللـي وراهـم يـاكلونه بدمـه !!
اذيـابـتـك نـجسه !! و فيـرانك نـجـوس
مـن طـحت بـيـن يديـه و داك فمه !!
صـنام تبـنـيـهـا نـصـارى و هـندوس
على قـبـور الانـبـيـا و الائـمـه !!
يامملكة صـدري من القوس للقوس
مـن لا يهـمك !! لا تـشيـليـن همه
جد الولد منحوس !! وابوه منحـوس
جا من ظـهـره وقال لبلـيـس !! سمه
اهـون على اعـيـش منـفي و محبـوس
ولا ينـبعـث ريـح الخيانه !! و اشمه
مـاني بـدايـم رايـق اخـلاق و هـجــوس
ان ما ضويـت بكارثه جبـت بمه
مدغم ابو شيبه
رد مع اقتباس
المفضلات