سلام الله عليكم ياربع الفله
وشلونكو
عساكو طيبين
هذا ياجماعة الخير سوالفن جمعتهن لكم من ربعنا اللي بالديره
نجي نشوف اول سالفه
واحدن من الجماعه يبي يتفلسف علي ويعلمن انه يفهم
سالن اكاليوم عن سبب تسمية كوينينه >> العبده يعني
عاد انا احب اسوي نفسي افدغ مافهم واعطيه جوه
قلت لا ماعندي خبر قال انا اعلمك قلت اسلم
قال الحين الملكه بالانجليزي وش اسمه
قلت كوين Queen
قال ياسلام عليك >> عاد انا وقته حسيت ان دراستي بارامكو راحت هباء منثورا
الوكاد
قال والملكه مايصير عندها عبدات وجواري يخدمنه
قلت بلى
قال بالانجليزي يقولون لهن كوينيناتوالمفرده منهن يقال له كوينينه
ويحط سبابته على صلهامته شفت شلون >> وقته حسيت ان ودي اتفل بوجهه
المهم ماعلينا نروح للي عقبه
واحد يعلمن يقول عرفت وش اسم رجل تريترا ؟؟
قلت هاه وش اسمه؟؟
قال
تويتر
ياويحي
اشلق ثيابي انا
لا ويضحك ويقح هو وجهه
اللي بعده عاد هو المحطم
يتصل علي قبل المغرب امس ينشدن عندي واسطه بالمرور ؟
قلت لا يافلان ماعرف ... ليه عسى ماشر وشفيه
قال مسكن العسكري وانا طالعن مع طريق الفايضات ؟؟؟ !!!
وين طريق الفايضات هذا؟
قال بوسط حايل
قلت ايه اسم جديد والا وشو ماعرفت الى الحين
قال الحين مابه طريق للفايضات والمروّحات ؟؟
قلت بخاطري شكله رجع بنا الزمن مية سنه على بعارين
قال انت عرفت والا ليا الحين
عاد انا سويت نفسي اني فهمت
المهم انت باي مخفر
قال بالمخفر الفلاني قلت جايك جايك
المهم وصلت له وقام يشرح لي ويمثل بيديه
الحين مابه طريق للفايضات والمروّحات عاد وقته استحيت منه قلت اصبر ابشوف العسكري واكلمه
رحت للعسكري وقلت هذا وش قضيته ؟؟
قال عاكسن السير
وانا انقهر
عاكسن السير يامتخلّف
اقوله بخاطري
حلْوك وجه انت وطريق الفايضات ياخي عليك توصيف مدري وش تبي منه
عاد طلع العسكري ابن حلال وسمح له
وحنا طالعين يتشرّه علي تسيف ماتعرف من اليوم اوصّف لك الفايضات وو
وانا التفت له
بغيت ارجع للعسكري واقول تكفى اسجنه ليا عقب العيد
وانا الحين منقهرن منه
وكل عام وانتم بخير قبل الزحمه
رد مع اقتباس
المشاركة الأصلية كتبت بواسطة جمران
المفضلات