سؤال .. ابن غسلان وراعي الوقيد او من عنده علم ..

[ريال الفسحه]

::

/


السلام عليكم ورحمة الله ..


شلونكم .. وعساكم طيبين ..

الجواب اكيد عند ابوفهد والا ابوفيصل والباقيين مايقصرون


عندي نشده عن قصيده وبوه شاعر رد عليه والظاهر انوه
عبيد راعي بقعاء واللي كاتب القصيده الظاهر انوه من السويد
واسموه عدوان الهربيد ..


ياعاد بالدنيا صديقك يخليك ** مامن ورا عوج النصايب صداقه



ابي القصيده والرد عليها ..

[عبدالرحمن]

هذه قصه قصيره وقصيده بطلها هوا عدوان الهربيد من قبيلة شمررحمة الله .. مات اخوه وخلفه أبناً صغير اسمه جريس فخاف عليه عمه من عذاب اليتم وولاية الناس على ابن اخيه فقرر ان يتزوج ام الصبي,
التي هي زوجة اخيه المتوفي ,صيانه منه ورحمة لابن خيه ,
ورباه واحسن عنايته حتى كبر ولكن الصبي حينما اصبح شابا قابل هذه العنايه والبر بالعقوق في عمه. لا سيما وان عمه قد كبر سنه واحتاج الى البر.
فتمثل العم بقصيده وصف فيها مبدء حاله مع جريس فقال:
يا جريس يامشكاي شاكن وشاكيك
أشوفها من يم الأصحاب ضاقه
ياجريس اخذت امك من شان تاليك
ما معجبن زينه ولاهي عشاقه
عمك ولو بي تنشده كان ينبيك
وش حق من رباك طفل احواقه
ياما على متني تعقبت بيديك
تنقل كما تنقل خطاة العلاقه
وياما بعدلات الشبايا انعشيك
واعطيك زود على الخزيزة الحاقه
بارباعي لي ثار حسه ايشويك
في ليلةٍ ذوق العشا به اشفاقه
ليما الذي بدقون ربعك ظهر فيك
واظن في نبت ا للحى افتراقه
واليوم اشوفك يوم كبرت علابيك
جمعت مع خبث الطبايع نزاقه
ولاعاد بالدنيا صديق ايصافيك
ما من ورا عوج النصايب صداقه
ياجريس مالي بالأداني وأٌقاصيك
ايلا هل فوقي محزم من دقاقه
سبع العوذ ياجريس خلن واخليك
ياجريس ما بعيال الأخوان فاقه
تيس يحطه وال الاقدار بيديك
انفع من الشمشول بيد الرفاقه

الشمشول هو :ذود من الابل يعني مجموعه من الابل نحو خمسه وثمانون جملاً. يعني ان التيس الذي تملكه أنفع من تجاره أصحابك ...
ولما سمع هذه القصه والقصيده احد شيوخ بقعا قال زياده عليها..
ياليت بالدنيا صديق يخليك
كفاك شره ما تبي له صداقه
مير البلا اللي جنب الحق ناصيك
تومي ركابه ماعليها علاقه
دلي يبيعك بالمكاتب ويشريك
ويحط دون الله علوم أدقاقه.
هذا ماوجدته يالغالي.

[راعي الوقيد]

مشكور اخي سلمان على الثقة
واخونا الكبير عبدالرحمن ماقصر ماشاء الله عليه جاوب
اما سوالف اهل بقعاء بالتفصيل الممل فهي عند راوينا ابوفهد
ولكم التحية

[عبدالرحمن]

انا احب اريح كبار السن يابوفيصل

[سالم الظفيري]

يعطيك العافية ياسلمان


ولاهنت يابو يوسف


بارك الله

لكم تحياتي

[الشبث]

عاش ابو يوسف



قصرت عنوتي




وتقلدوا تحيتي