تسمعون براعي الهدبا
وراع الملحا
وراع مليحان وراعي كليحان واي شي
بس عمركم سمعتوا براعي فليص ؟
اكيد لا
ابعلمكم منهو راعي فليص
بس قبله ابي اعلمكم منهو فليص وليش صار اسموه فليص
فليص هذا سلمكم الله سلوقي
وراعيه مسميه فليص
طيب ليييييش ؟
من الاخر لان عيونوه مفلصااات
يعني ناطات قدام
يقول ان سلوقيوه فليص يومهو صغير كان نايم
وجا واحد يمشي باللي ووطا وجهوه
وفلصن عيونوه
المهم
سيرت مره على خوينا هذا راعي فليص
وكان رجال ماهو يم الناس بهالبران عند غنموه وعند فلصلص
واروح معوه مره
وهو يزعجن بفليص
يقول ياخي فليص هذا سلوقي ذكي
قلت شلووون
قال ياخي ما يهرول عبث
قلت وضح اكثر بليز
يعني شلون مركب مكينة ذيب ولا شلون ؟
قال فليص يشم على بعد كيلوين
ويشوف على بعد ميلين
وحنا نسولف
وهو يقمز فليص
ويروح يركض
وهو يصوت لوه
فليييييييص تعااال
فليييييييص الحق جاااي
فليييييييييص
قال يالله تعال معي نبي نشوف وش عند فليص اكيد صيد سمين
ونروح نلحقوه
يوم جيناوه ولا يلحق حربلا الحيوان
وراااحت السنين وجت السنين
واتقابل مع راعي فليص
وسلام وشخبارك وشعلومك
قال والله زعلانن عليك
قلت افااا ليش ؟
قال ليش ما تسوي لي فلو
قلت اخس يالفلو تبي فلو
شلووون
قال انا الحين مفضي نفسي لخدمة الشعب
قلت اقعددد وشعندوه راعي فليص
قال ياخي الوضع ما ينسكت عليه
قلت المهم ابشوف كتاباتك وبعدين ابسوي لك فلو يالفلو
وادخل واشوف كتاباتوه
كله فلان حيوان
فلان سروق
فلان كذاب
فلان غشاش
فلان مرتشي
حتى اقبال البنشري ما سلم منوه
قلت مع نفسك يا راعي فليص
ولو تسئلوه منين جاب هالتهم
الظاهر يقول ( ...) فليص
وتقلدوا تحيتي
رد مع اقتباس
يبي لهم ددددددق بفاس
المفضلات