ونجحنا والله نجحنا بالنتيجة وفرحنا ~
نجحنا.... والله ونجحنا
ونجحنا والله نجحنا
باقة ورد أهديها لكل من في المنتدى بمناسبة نجاحي...
باركوا لي
بس تدرون والله ياصعب المذاكره على الكبير حسيت بجد مخي متوقف ومن زيني براسي الا اخذ الاولى
صح جبت مقبول لكن بس ماعليه المهم نجحت
كلكم لازم تشجعوني وتعطوني هديه نجاح تليق بمقامي السامي
في اول يوم في الامتحان جيت للجامعه ومدري وين قاعة الامتحان فيه ضعت اكثر من ساعه الا ربع
الين لقيت السكورتيه ودلتني اخيرا
المهم واجلس ويعطوني الورقه حقت الامتحان
واسمي واستعين بالله وافتح الورقه واقرا الاسئله
ويفتر راسي ماعرفت ولا سوال بغيت ابتسي بس استحيت من الحريم
قلت وليه اقرد روحي وادرس وافشل عمري عند عيالي
ولا من زين الطبايع كل يوم واحد من العيال يسمع لي ماخذتهم شفتات >> امحق ام
واقلب الورقه يمين يسار
ولي قاهرني في اخر الورقه مكتوب تمنياتي لكم بالتفوق دكتوره امل وش دخل دكتوره امل فينا
وتجي المراقبه تختم الورق قالت وين اسمك قلت ضيعته من ضيقت الصدر
و زميلتي كل شوي تنغزني تبيني اغششها واقول لها انقلعي من حياتي
ومازالت تنغز قالت الصح والخطا وشن قلت الله يرحم والديك ماتشوفين كل الاسئله كلها مقاليه هي طيرت عيونها وسكتت
ويوم انتصف الوقت ويبدن الحريم كل شوي يطلعن والقاعه بدت تخف >> نقطه ضعفي اموت الا طلعوا ونا ماخلصت
حتى اسمي عجزت اكتبه وتجيني دكتوره الماده بعد ماشافت حالي المزري
تحاول تهديني وتشربني ماء وتقرا علي المعوذات قلت بليز لاتطلعين الجن خليهم بمكانهم لايجي قتلى وجرحى هنا
قلت ماتفقنا كذا يادكتوره كل شي برا المنهج
ولا اتفقنا كله مقالي
وقهرني انك مو انتي الي كاتبه الامتحان
ليه ليه ليه يادكتوره
وتقعد تضحك وتضحك وتضحك الين دموعها نزلت ونا خلاص تعبت ابي ابتسي
قالت الاسئله الي معك حقت الدبلوم التربوي مو تخصصك
هنا تمنيت عباتي ونقابي وتغطيت من الفشله
اوووووويلي على روحي والله من الفهاوه ساعه ونص ماشفت وش دبلوم الي مكتوب في اول الصفحه
وهنا قعدت ابتسي فرحه بارب رحمك
قالت الدكتوره خلاص اكتبي براحتك ونا معك الين تخلصين
واحل وانا ابتسي وابتسي ودموعي على الورقه تنقط
الاهم
اني نجحت واتقبل اي هديه عينيه او كاش مافيش مشاكل
ام الرغفان (رغودتي) ابي طورطه عليها اسمي من اناملك الذهبيه
قولوا امين جميعا
يجيني قبول بالبعثه واجي والدكتوراه معي اول وحده راح اخذها رتيج
.gif)
رد مع اقتباس
المشاركة الأصلية كتبت بواسطة هايس الشمري
المفضلات