يمه عسى شرك يزول وتطيـبـين
...........................وتقضين عمرك في صلاة وعباده
وإلى لفيتك زاير ٍ لي تقومين
........................... تستقبليني في حنان و سعاده
يضمني صدرك وتدمع لك العين
...........................يطيح فوق الكف يعلن وداده
يمه فداك العمر وشبك تونـين
............................يايوه عقبك عايشين بنكاده
يمه يتــل الروح يوم انتي تبكين
............................تلة طيور القنص لحظة هداده
يمه فداك الكون والناس تكفين
........................... ما ودي اسمع ماتحمّل زيادة
ردي علي يايوه وشبك نسيتين
........................... ردي علي ماعاد فيني جلاده
ردي علي يايوه او ماعرفتين
........................... يمه ذبحني ضمتك للوسادة
يمه بدت بالصدر ثورة براكين
............................تفجرت .. احزان .. هم ولهادة
ومن الحزن ذبلت زهورالبساتين
............................ورد الهدا يايوه اعلن حداده
دكتور خذ قلبي وكبدي مع العين
........................... عطهم دفا عمر العمر هي مراده
رمز الوفا والتضحيه امي (امنين)
........................... القى ربع..ربع الربع ..من جهاده
ياالله عساي ارد له أول الدين
............................ فداه قلبي والجوارح قلادة
ياالله يامنزل تبارك وياسين
........................... وبامرك نطق عيسى وهو في مهاده
تشافي امي وام كل المساكين
...........................اللي لها بالطيب طبع ٍ وعادة
رد مع اقتباس
المفضلات