بعد مدة طويلة رجعت باحدى قصائدي اللتي أتمنى .
أن تكون في مستوى النشر
[gl] هذه جزء من القصيدة فلم أنشرها كاملة[/gl]
[poet font="Simplified Arabic,16,black,bold ,normal" bkcolor="" bkimage="http://shammar.org/vb//backgrounds/43.gif" border="double,4,black" type=0 line=350% align=center use=ex char="" num="0,black"]
نظرت اللي
نظرت اللي الى منه نظرني أسبل العينين = أنا ما أدري هوى والا غمض بالعين عن شيني
أنا ما أدري وش الذبحة وش اللي صوبن بالبين = كحل عينه حسن زوله كذلك نقشة يديني
قرب مني وأشر لي وأشرت بعيوني زين = وعجلت بخطا رجلي عسى المجمول يبغيني
وأنا بمشيي أفكر بالكلام ونظمة البيتين = أتمتم كلمة أحبك أحبك يا نظر عيني
قربت وكل ما بيني وبينه كنها مترين = تعثرت بطفل عمره حوالي أربع سنيني
تمليت بغبار الأرض وأوساخ معاها طين = وأنفض ثوبي اللي من ردا حظي يغطيني
ضحك خلي رفع صوته وقال الله يا مسكين = عمى قلبك غشى عينك وخلاكم عمييني
بعد ما كمل الضحكه تقفى مورد الخدين = ولا لقى لي النظرة أبي أثبت براهيني
شهقت بكلمتي يا زين أنا أبغيك تستنين = الين الرشد يرجع لي طلبتك لا تخليني
تذكرتي زمان أول زمان يذكره عقلين = لقا يجمع طفل مع طفلة(ن) في موقع العيني
أول مرة شفتك كذا تسعه ثمان سنين = تذكرتك نعم طفلة ومن شفتك ذبحتيني
وأنا أيضا طفل لكن قدر لازم يصيب اثنين = عيون تستظل وطرفها الأكحل يناديني
سكت خلي ولا علق بغى ينطق ولكن وين = أبي كلمة أبي حرف تقوله يجلي البيني
مشى بدربه وخلاني جسد ميت بلا تكفين = أناظر يبتعد خلي ودمعاتي تمليني
من أعماقي اصوت يا حبيب الروح لا تروحين = ترى حبك جرى فيني جرى مجرى شراييني
حسافة من ردا حظي خسرت مرافق الحلوين = عسى الأيام تجمعنا أنا والأكحل الزيني
طلال صعفق الحافظ
[/poet]
رد مع اقتباس
المفضلات