حافز و لا منّه !
11 مايو 2012
اليوم هذا يوم الهدايا و الزيارات الخارجية
الصبح أجانا خالي من الأردن محمل بزيت الزيتون
و العصر ألا جاينا ضيف من مصر متعود كل سنة يزور السعودية
و كل مره يجيب لنا فصفص زهرة الحلمية
لكن هالمره تطور و جاب علبة شقلاطه
و مغلفه و مزينه بعد << يمكن أنها أعتذار عن ما بدر من الشعب المصري
10 شارع عبد العظيم خلف مصنع كوفر تينا << لوليتا تدلين هالعنوان
يا حلاتهم الأجانب كم هم بسطاء أي شيء عندهم يصلح هدية
مو مثلنا لازم ننتقي الماركة و النوعية و السعر و تغليف خاص و بطاقات
هالمصري و الله أني أحبه في الله
لا جانا أطلع أسلم عليه و أسوالف
و العام مع بدايات الثورات أجا و طلعت أسلم عليه
و أخواني الكبار عنده
أزيك عمووو كمال .. أزي أم أحمد و البنات
و جلست أسأله : أزي الوضع دولئتي في مصر مع الثورات
إلا أخوي يلتفت لي بعيين حاااااااااره << كأنه يقول شكلك مطوووله
و أنا أبلع العافية و أمشي
المهم مو هذا موضوعنا >> ما كتب أعلاه مجرد مقدمة
موضوعنا عن حــــافـــز
أو زي ما قال عبدالعزيز الفهاد >> حافز و لا منّه
لي أخت عاطله عن العمل و تأهلت لحافز و متششقه من الوناسه تستلم حافز من غير عملها الخاص الإعلامي وهي جالسه بالبيت
و النيه أنا نطلع هالسنه مصر بشهر 8 إلا أبوي يسأل عن موعد الحجز لأنا معزومين ع فرح
قلت لحظة لحظة .. بس فلانه تستلم حافز
قال : ماي فاذر .. وين المشكلة !
قلت : مير اللي يستلم حافز لا طلع برى يقطعوووونه !!
وش هالشروط الغبية يا حافز ؟!
المصيبة ليته دائم طول العمر كله ألفين و لمدة سنتين و ذالينا فيها !!
و كل يوم مطلعين قرار ؟!
<< مقهوووووورة
الله يأخذها أحبها ما أعرف أسافر من دونها
و حديث الحريم في المجالس كله عن حافز
كل ما جلست مع عجيز هاه جاك حافز هههههه
أنا أقولهم لا باقي يقولن ليييييييييييييييييييييييه !!
عن جد ما همني جا و لا ماجا ..
أشتغل في قطاع خاص لوب 1500 و لا أنذل و أحرم نفسي السفر عشان هالألفين
و الله البلد مشاكل من جد ..!!
رد مع اقتباس
المفضلات