% من المسئول عن هذا %

[الشبث]

هههههههههه


حيالله ام الرغفااان


متولمه للشر هههههههههه



وتقلدي تحيتي

[ريال الفسحه]

ان اعتقد ان الشباب والبنات ماعندهم ثقافه
كامله عن الزواج والاسره ومتطلباتها وكيفيه
التعامل معها ..

كله ماشي بالبركه ياسي عبدالله

[ريتاج]

اولا انا احس ظالمتنا هالاحصائيه ..


بما انه حنا الشعب الكبير واكثر شعب يتزوج ..

باقي الدول واغلبهم يمضونها صحبه ..

فطبيعي يكون نسبة الطلاق اعلى ..

بس ما يقلل من شأن الموضوع ..

هذا موضووع احس بأستمتع بالنقاش فيه ..

والله انا احس بالاول مسؤالية الاهل ..


يعني اسباب الطلاق كثيره بس الملومة تقع ع الاهل


ما فيه توعية من الاهل .. ابدا ..

وحده من صديقاتي تقول والله جابلي لحم قالي اطبخيه ..

وانا قاعدة اصيح وش اطبخ انا ما اقطعه ببيتنا عشان اطبخه ..

فرق بين البيئات ..

تكون مدلله وتروح بيت زوجه .. والزوج يبي خدمه..

غير كذا البنات صاار فيه استهتار بالطلاق اي مشكلة قاالت "طلقني"

ومطلبات البنات اللي زواده عن اللزوم ..

واهم شي عندي .. اسلوب تعاملها مع زوجها ..

وحده اعرفها اسلوبها مع زوجها زفت .. لا عصب قعدت تضحك عليه

اسلوبها اسلوب بزر ..

يعني اسبااب كثيره كثييره ..

تدخل الاهل بشؤون الزوجين ..

الازواج ما يحافضون على اسرارهم الزوجيه..

الرجل مو قد تحمل مسؤليه ..

انا افضل الزواج للمرة والرجال بأعمار متقااربه ..

ويكونون ناضجين .. يقدرون يتحملوون..

هذا اللي طرالي الحين


لي عووده ..


شيييع

[صلفيق]

والله يابو ماجد احصائية حالات الطلاق في السعودية مرتفع ولكن ليس هو الأعلى ،، فقد اعتلت القائمة دولتين عربيتين..!
ولكن وفي الحقيقة قفز الرقم في السعودية في السنوات الأخيرة قفزة عالية جدا اذا ماقورنت بسنوات ماضية.

ربما أتفق مع الأخوة والأخوات الذين تحدثوا عن اسباب الطلاق بمجملها ، والتي تكمن في:
الانحرافات السلوكية والاختلال القيمي، ضعف وتدني الثقافة الزوجية ، انخفاض الوعي الحقوقي الأسري، العنف الأسري بكل أشكاله،
انعدام التوافق الزوجي، وضعف مهارات التواصل والحوار، إلى جانب التوقعات غير الواقعية للعلاقة الزوجية.
ولكني هنا ربما أغرد وحيدا بذكر سببين هما في نظري أسباب قفزة الرقم لنبقى مع أوائل القائمة ..
الأول: يقول علماء النفس "ان تعدد العلاقات قبل الزواج يعطي اباحية للزوج فيما بعد بـ سهولة اتخاذ قرار الطلاق". من هنا
وبانتشار وتوسع وسائل الاتصالات ـ (وأقولها بكل أسف) صار للشباب تعددات في العلاقة . وقد ينتظر ماقاله علماء النفس.
## وربما سيكون لي موضوع حول هذا المنطق فيما بعد ##.

الثاني: انتشار زواج المسيار هو السبب الأول والأهم في هذا الرقم المخيف .. وذلك عندما تعلم زوجته بذلك أو يشعر بالخطر (ولجرد الشك)
فإنه يطلق بسهولة، فهو في نظر البعض منهم زواج مؤقت ولا يسجلونه حتى في الأحوال المدنية، وهذا مما سبب ارتفاع نسب الطلاق”.



واللي يبي يقاضبن الشوش ـ يعطيني خبر وانا أتفرغ له.



شكرا لك ابو ماجد
وشكرا لكل من جاء ليعطي رأيا....




كل احتراماتي،،،

[الشبث]

هلا والله ريالي


رايك وااارد يالعشير




لاهنت



وتقلد تحيتي

[الشبث]

ريتاج


انتي جبتي شي كارثي بردك


شلون البنات يطلبن الطلاق لاسباب تافهه


للاسف تربية البنات هاليومين صارت وسط


اقصد من ناحية احترامه لزوجه وتقديره للحياة الزوجيه


اللوم على ابوه او اخوانه


المفترض اذا شافوها تطلب الطلاق بسبب تافه يلعنون والدينه




وبعدين هذي اللي ما تبي تطبخ


خير ان شاء الله


جايبه مزهريه انا ولا جايبه بريدز


اللي يقهرني انه من زييييييينهن يقولن هالكلام


ليتن بدل زوجه


علي بالحرام لا اخليه شغاله واخليه تلحس البلاط بنت اللذين << حنتش







امور كثيره ذكرتيها اختي ريتاج ترفع الضغط صحيح وهي اسباب رئيسيه بالطلاق





انتظر عودتك



وتقلدي تحيتي

[بالمختصر..]

،




مو عيب إن المرأه ما تحمّل !! هاذي طبيعته و الرسول عليه الصلاة والسلام وصّى بالنساء ( رفقاً بالقوارير )

و سالفة ما عندهم ثقافه هالجيل و ما عندهم وعي ...

بالله وش تنفعن ثقافتي إذا ( مثلاً ) تزوجت مدمن مخدرات ؟؟

ما هي مسألة عدم تحّمل و لا عدم معرفه بأمور الزواج ..

مسألة قبول و إيجاب .. و توفيق من الله ..

بس إذا عندنا الزواج ( خبط لزق ) وش توقعون مصير هالزواج !!

أنا ما أقول يتعّرفون على بعض قبل الزواج ! بس أقل شي إذا جانا خاطب و سألنا عنوه يتكلمون بذمه و ضمير ؛(

مو كل من خطب يرفعّون بوه الناس و يمدحونوه ( بـ ظنهم انوه يتسنع بعد الزواج ) !!!!





.
.

[شرهه]

السبب الرئيسي على الزوج طبعا



وغدان هالوقت ما يتحملون شين .. وما شاء الله كثرانن زواج الوغدان



يزوجونه على 22 او 23 يبونه يعقل ويتحمل المسئوليه ههههههههه




ولا انسى ناقصين الرجوله اللي يتقوون على حريمهم

[الحيمري]

أنا اشوف اكثر المشاركين في هذا الموضوع

ركزوا على الثقافه الزوجيه والثقافه والثقافه

اقول والله أن شباب هذا الزمن من الجنسين يعرفون شي لم يكتب ولم يتحدثون عنه علماء الذره
وخصوصا ً حول هذا الموضوع بأذات والطرفين فاهمين بتقييم ممتاز وكلا ً

يعرف مسؤوليته ولكن الحقيقه الدلع والرفاهيه هي سبب عدم تحمل المسؤوليه

طيب جدودنا وجداتنا رفاهيه الحياة في زمانهم صعبه جدا ً عايشين ومتفاهمين
واسرارهم مكتومه حتى أبنائهم لايعرفونه ولو طلقه وحده من القبيله عندهم هكاليوم حزن وخفي ماحد يتكلم ولا احد يشمت ولا احد يقول ماذا السبب

أما اليوم
اسرار المعرسين من صبح العرس مثل باب المطبخ جاي يفتح رايح يفتح



دمت اخي

[سالم الظفيري]

امور كثير والربع الربعات كفوا ووفوا

المشكلة الواحد يخطب لولدة ولا هو في وظيفة

ويقوم يصرف عليه وعلى زوجته

ياخي الحرمة من حقها ان زوجها يصرف عليها


ولا ابوها يصرف عليها بعد



المهم في كل شي التثقيف من الطرفين


تخلي الولد يحس بالمسؤلية نحو الزوجة

وكذلك الزوجة



هم يعرفون كل شي بس مايعرفون مسؤلية الزواج وتقدير اهل الزوجة وحيان يكون ابو الزوجة عم الزوج


بالله اذا صباحية العرس رايح للشيشة وباليل بالاستراحة لين اخر الليل


اللي مثل هذا كفو زواج يعني


شكرا لك ابو ماجد