السلام عليكم ورحمه الله وبركاتة
هذه القصيدة
للشاعر الكبير الصعيليك الاسلمي الشمري يمدح الشيخ عبد الكريم الجربا
وان الشيخ عبد الكريم الجربا اشتهر بالشجاعة و بالكرم حتى
سمي ابو خوذه من زود الكرم وان سئل عن شيء قال خذه
والله هذي الرجال
ولكم القصيدة
يا شيخ انا جيتك على الفطّر الشيب ***** قــزّان مـن دار المحبيــــن دبّــاب
دبــا عليّ ودبّ منـــــي بتقــــريب ***** قــل المواشي يـــاذرا كل منهاب
مــــن دارنا جينا لــدارك مـــــغاريب ***** يــمّوم نجـــمِ لا تغيّـــر ولا غـــاب
متخيرك يـــامنقع الجود والطيــــــب ***** لا خيّــب الـه للاجاويـــد طـلاّب
ســــلام مـــن قلبٍ محبٍ بـــلا ريب ***** لـه يستتبّ الشـاب ويشبّ من شاب
يــالجوهر الناريز يالعطر يالطيب ***** يــالصعل يــالصهّال يا حصان الاطلاب
يــالزير يــالزحّار يــالنمر يالذيب ***** يــالّليث يــــاللاّيوث يــالشبل يــالداّب
يالضاري الضرغام عطب المضاريب ***** يـالفرز يا مفراس ضـده والاجنــاب
يــالنّادر الهيلع عقــاب المراقيب ***** يــا نافلٍ جيلـه بعيدين وأقــــــراب
نــطّاح طابور العســاكر ليـــاهيب ***** ستــر العذارى لاغشا الزمل ضبضاب
عيبك الــى من قالو الناس بك عيب ***** بالسيف لأرقـاب المنــاعير قصّاب
وعيبك الــى من قالو الناس بك عيب ***** للسمن فــوق مفطّح الحِيـل صبّاب
وذبح الغنم والكوم حـرش العراقيب ***** وِإعــطا المهـار وبذل مـالٍ بلا حساب
وبـــك شارةٍ كب الفــراد المحاديب ***** وبذل الطعـام وللتنافيـل كسّـاب
ونمرا تجرّة للــــعدا والاجـانيب ***** تفجا بها غــرّات ضــدك بـالاسباب
ومــن عقب ذا بالعون مابك عذاريب ***** احلـى مــن السكّر على كبد شرّاب
جيناك فـوق الهجن شيب المحاقيب ***** لمشاهدك يـاشوق وضّاح الانيـاب
الحـرّ يضرب بـالكفوف المعـاطيب ***** والتّبع قناصه مـن الصيد ما جاب
وانت الذي تافي بكل المـواجيب ***** كنك هديب الشــام بالحمِل عتّاب
تثني لابـــو صلفيق مــــابه تكـاذيب ***** شيخ السخا معطي طويلات الارقاب
يـامــا عطيت اللــي يجونك طلاليب ***** كـم واحد جا لك من الوقت منصاب
وفــرجت همّه فــي كبار المــواهيب ***** مـن عيلمٍ يزمي كمــــا يزمي الزّاب
عــز الله انك طيب وتفعل الطيــب ***** والطيب يجنى منـك يازاك الانساب
ولاهـو كثيرٍ يـا مهدي الاصاعيب ***** أفعالكم يعــدّة اللـــي بالاصلاب
رد مع اقتباس
المفضلات