تعلولتي عند الشيبان
<<<<<<يوايق
هيه انا جيت السلام عليكم
ياخي صراحه وحشت نفسي
اثاري الواحد ليا اشتاق لنفسه توحشه سبحان الله
علومكم ياهل الفله وينكم مقاطعين
طيب من يقدر يقول بشار نيشان الشر عشر مرات
<<<< وهو يجي طاير ويتزقلب بالموضوع
هذا سلمكم الله الاسبوع الي طاف بينما انا اتعلعل عند الشيبان
وماسك طاره المجلس سالفه رايحه وسالفه جايه ورحمه فلان والغزوه الفلانيه
شوي وينقز حدى الشيبان قال انثبر ياوليدي خلنا نسمع الاخبار<< بعد هالكلمه قمط وجه هذا المستخدم
والله وهم يحطونه على قناه العربيه و يتابعون اخبار سوريا
و يسحبون علي وعلى سوالفيقلت هينتن لكم
وانا انقز وخمش الرموت كنترول واغيره لقناه الاماكن دراما
وانا ازعل <<< هذا المستخدم طنا
قلت ابلشتونا ماغير تحطونه على اخبار سوريا وذبح وقتل وواحدكم تتكه العبره من المشاهد الي يشوفه وساكت
قالو وش تبينا نسوي قلت روحو جاهدو <<< نوى يذهب برحله ورى الشمس
قالو لا بالله خله على الاماكن دراما وخلنا نعين خير
وعقبه تقهوينا ولعبنا ضومنه وعينا خير
وتوته توته خلصت الحتوته
منكم واليكم والسلام عليكم
رد مع اقتباس
المشاركة الأصلية كتبت بواسطة ام الرغفان
المفضلات