المشاركة الأصلية كتبت بواسطة المنصوري الكويت
هذه ألقصيده المؤثره هي للأمير حطاب بن سراح التميمي أمير جوف آل عمر عندما هزمهم الأمير عبيد بن رشيد وأستولى على الجوف وأسر حطاب وولده وسجنهما في حائل حتى ماتا .
يالله ياللي فوقنا موتلينا - حنا ومن يرجي ثوابك حذانا
حنا بليا طلبتك ما قوينا - لو أيش حتى نومنا ما هنانا
من عقب ما كنا بعز هفينا - وتفتحت بيبانها لقبلانا
ومن عقب ما نادا الخلايق اودينا - واليوم لو ياتي سفيه ودانا
ومن عقب ما ناطا الخلايق وطينا - واليوم بالرجلين كل وطانا
والبيض عدن الملاثم علينا - عدن ملاثمكن وخوذن إلحانا
وحطن مفاتيل الذهب في يدينا - وتجندن بسيوفنا يا نسانا
لا عاد من زمل المحامل نشينا - حنا علينا ظلمهم وش بلانا
السيف ما هو باطل باليمينا - دابان لاصخا ناقله ما يدانا
والسفح ما يغديه كثر الدفينا - والحق ما يا تي بليا مشانا
يدرن سهوم الغيد لو ما درينا - حفايظ للي بقوا من ورانا
عزاه وين ربوعنا لا بلينا - اللي ليا ضاقت بنا هم ورانا
حنا ليا ثار الدخن وأرتكينا - يسني على كل الجوانب رشانا
----------------------
فرد عليه راعي الجوف ( أخو عتقا ) بهذه القصيد وهي :
يا راكب من فوق حر نشرنا - يشدى ظليم جافل مع بيانا
عليه من كور العقيلي وسرنا - حر زها بالكور للمطر شانا
الصبح من دومه توكل وسرنا - والعصر وعرات النفايد ورانا
أطغاك دور للدريعي غترنا - بالبوق والا بالنقا ما ولانا
لا عاد حنا يوم دورك صبرنا - وش مجزعك من دورنا يوم جانا
إن سأعف الباري وسمح جهرنا - نسقيك ماء الحنظل من أهون دوانا
في ظل أبو فدغم عليكم ظهرنا - وقمنا نزود من حلاكم حلانا
ومرن على قصر الرحيبي وسرنا - بجموع كالضلعان تزبر ورانا
إليا دعانا شيخنا وإعتذرنا - بالقنب المصيص نمقس دلانا
غرساتنا ما قط فيهن تجرنا - ولا قيل صك الباب وافق عشانا
----------------------------
أرجو أن تكون القصه قد حازت على رضاكم مع تمنياتي للجميع بالتوفيق
بالنسبه للقصيده فهي ليست لحطاب وانما لابنه غالب بن حطاب السراح , كما أن القصيده لديك فيها بعض الأخطاء وقد تكون لضعف بنقل الرواه , فبعد هروب غالب السراح من سجن ابن رشيد لم يجد حماسه من جماعته في دومه لاستعادة وضعهم السابق , واستطاع التزود بأسلحه الا أنه كان خائف من تخاذل جماعته عن ما انتواه , فجمع كبارهم وقال هذه القصيده , وشبههم بالنساء ان هم لم يثوروا معه على خصومهم المحليين بدومة الجندل , الذين أستفادوا من تراجع زعامة ال سراح في دومة بفعل ابن رشيد ,
حيث قال غالب :....................
يالله ياللي فوقنا معتلينا # حنا ومن يرجي ثوابك حذانا
وحنا بليا فزعتك ما بغينا #والزاد لو هو راهي(ن) ما هنانا
وحنا لينوى شيخنا ما نوينا # وعن المراجل قاصرت(ن) دلانا
والسيف ماهو باطل باليمينا # ليا قام يصهل نازله ما يدانا
والسفح مايغديه كثر الدفينا # والحق ما يظهر بليا مشانا
يالابتي وش نوحكم مهزلينا #لا تضعف القالات وانتم سمانا
لياصار من زمل المحامل نشينا# وحنا علينا حردهم وش بلانا
من عقب ما حنا بعز(ن) هفينا #وتفتحت بيبان هاللي قبلانا
ومن عقب ما نادا القبايل ودينا# اليوم لو ياتي ضعيف ودانا
ومن عقب ما ناطا الخلايق وطينا# اليوم بالرجلين كل(ن) وطانا
مار يالبيض حطن الملاثم علينا # هاتن ملاثمكن وخوذن لحانا
حطن خواتيم الذهب في ايدينا# وتجندن بسيوفنا يا نسانا
تدري فروع الغيد لوما حكينا # حفايظ للي بقوا من ورانا
وبالقصيده السابقه ذكر غالب بن حطاب السراح نسبه للزمول من شمر عندما قال :.....يالابتي وش نوحكم مهزلينا #لا تضعف القالات وانتم سمانا
ليا صار من زمل المحامل نشينا# وحنا علينا حردهم وش بلانا
مع الشكر .................ابوفهد لاهنت تنسيق القصيده.)......... .
رد مع اقتباس
المفضلات