العذر منك دامني بحقك اخطيت
راسك ابوسه واعتذر لجل ترضا
سامح مثل ما اسامحك يوم زليت
ياما دمحت اخطاء منها اتلضا
ويا ما بكيت بسبتك لين بكيت
حرف القصيد وصار منها يجضا
كانك نويت البعد يا ليت يا ليت
تسمع قصيد ٍ من فؤادي تشضا
كب النكد عنك ترا منه ازريت
وخل التيمم وبدموعي توضا
لا تعلن الفرقا ولا تنشر الصيت
فض الحكي من سيرة البعد فضا
لا تترك اسوار الجفا تعتلي البيت
قض الجدار اليوم يا زين قضا
امطر على قلب ٍ يحبك وبك ميت
وابشر بنوير ٍ وزهر ٍ يكضا
وابشر بحب ٍ يرعدك يوم حبيت
ومخايله برق ٍ علانا ونضا
الشاعرة / دهن العود
رد مع اقتباس
المشاركة الأصلية كتبت بواسطة ام الرغفان
المفضلات