للشاعرالكبير/ حميدان الشويعر الخالدي
ينصح بها ابنه ويحذره فيها من الامور التي يجب ان يتلافاها في زوجة المستقبل
ياصـبي اسـتمع مـن عـويد(ن) قـضى
الــدهــر مــدبـه لــيـن ما قــصـري
ما بـقى مـنه غير العصب والعظام
مـثـل عــود(ن)عـلـى الـدرب ومـقشري
كــل مــن كــان قـبـلك بـليلة و يـوم
شـــاوره والـخـبر عـنـه لا تـقـصري!!
حــط بـالـك لـما كـان اوصـيك بـه
فــان هــذي وصـاة(ن) عـلى خـاطري!!
لا تـضـم الـتـي ما تـعرف الـسوى
تـجـعـل الــزيـن شــيـن ولا تـسـتري
يـذن الـعصر والـعيش فـوق الـرحى
الــقـدر مــوصـخ(ن) والـلـبـن مــخـوري
لا تــضــم الــــتي تـشـتـري لـلـغى
دايـــم(ن) هـرجـها بـالـكـلام الـــزري
لا نـشـدها بـعـلـها بـهـرج(ن) لـطـيف
طـوحت حسـها ما ادري ما ادري!!
انــذفـها فـــي ثــلاث(ن)يتـبـعهنن ثــلاث
لأجــل تـاكـل طـعـامك هـني مـري
لا تــضــم الــتــي يــطــوح طـيـها
الـضـحـى وانـــت بـالـمـقبرة تـقـبرى
لا تــضـم الــتـي قــد حـكـي بـامـها
تـحسب الـعيب بـاري(ن) وهـو مابري
لا تــضـم الـتـي ما تـخـلي الـعـباة
دايـــــم(ن) كــنـها تــلـعـب الـعـيـفـري
مــن جـهـلها تـخـلي ولـدها يـصيح
ما تـسـنـع لـها مــورد ومـصـدري
يـوم تـظهر من البيت وش هي تبي؟
هي تــبـي عـنـد غـيـرك طـعـام(ن) طــري!!
اتـركـها يـالـخبل يا نـكـيث الـحـبل
لا تــجـزع ولـــو قـيـل يا الـمـثفري
طــلــق الـعـاهـر وخـلـها تـنـطـلق
مــن حـبـالك عـسـى بـطنها لـلفري
لا تــضــم الــتــي عـيـنـها واذنــها
بـا لـمـزاغـيل والــصـايـر الـمـسـفري
ودها كــل مــن مــر مــع سـوقـها
مـن شريف وطريف يقولها اظهري
لا تـضـم الـتـي ما تـربـي الـحلال
اغــبـر(ن) طـبـعـها والــزمـان اغــبـري
لا تـضـم الـتـي ما تـمـل الـرديـف
تــسـري الـلـيل لـلـي لـها يـحـتري
لا تـضـم الـتـي ما تـخـلي الـرفيق
حـيـثما غــاب رجـلـه فـهو يـحضري
الـوعـد مـثل مـن قـال كـحي واكـح
في قيام العشر وان ظهرت اظهري
واقـعـدي عـنـدنا لـين ما يـظهرون
واظــهـري والـمـطوع بـهـم يـوتـري!!
لا تــضــم الــتـي يـنـخـزن دونــها
دوم نـجــارها بــامــرها يــنـجـري
لــو تـقول ارفـقي يا مـره بـالحلال
دبـري مـرزقك ذا الـسنة واصبري
بــان مـنـها مـن الـعيب ما تـكرهه
وبــاشـرت فــي حـلالـك لــه تـبـذري
لـــو يـخـطر شـريـف(ن) فــلا سـرها
ودها انـــه يـخـطـر ولا يـخـطـري
وان دخــل بـاشرته بـخبيث الـكلام
وان ظـهر ونـدبت لـه يقولها ابشري
ســلــط الله عـلـيـها قـبـلـها تـــزوم
والـضـعـيف بـمـرضـاتها مـصـخري
مـصخر مـار ما وفـق ابـن الحلال
غــشـتـه بــالــذي (...!) لا كبيره يالشويعر
يا عـسـى جـنسها دايـم(ن) ما يـعيش
عـند الاجـواد وان عـاش ما يـكثري
مـــن جـهـلها ومــن ســو تـدبـيرها
ما عـلـيها مــن الـلـبس ما يـستري
لا تـضـم الـتـي ما يـحجب الـحجا
دون حــجــانـها كــنــها تــنــظـري
يا مـطول حـجيه عـن الـلي تـويق
تـحـسب أنــه الا نـاظـرت يـستري
يـــوم تـسـمـع لــها رفــيـق(ن)تـويـق
لـو تـحطه عـلى الـخمس ما يـقصري
هــي عـلـى طـبعها قـاسي(ن) عـودها
ما يـعـدل ســوى انــه يـبا يـكسري
لا تــضــم الــتـي طـلـقـت مـرتـيـن
يـــوم يــطـري لـها طــاري تـنـكري
كــل يــوم لـها عـنـد اهـلـها نـسيب
واحــــد(ن)داخــــل(ن) وآخــــر(ن) يــظـهـري
شــــارب(ن)مــخـهـم وآكــــل(ن)تـخـهـم
غـــادي(ن)عـنـدهـم كــنـه الـعـسكري
لا تـضـم الـتـي مـالـها مــن تـهـاب
خــبـلـة(ن)هــبـلـة(ن) ما لــها مــاكـري
يــوم تـصـبح تــدوج بـوسـط الـبـلد
كــــل دار(ن) تــبـايـع بـــها وتـشـتـري
كـل مـن كـان يـرضى بـدوج المره
ودك انــــــه بـنـعالهــــا يــصــطـري
الـمـره كـنـها الـشـاة بـيـن الـبـيوت
يـطمع بـفرسها الـكلب لو هو جري
لا تـضـم الـتـي راضـعـت روحـها
دايـــــم(ن) خــالــيٍ شــقـها الايــســري
لا تــضـم الــتـي عـمـرها مـنـتهي
كـــان تــرجـي عـيـال(ن) بـهـم تـذكـري
هــي سـفـينتك لـكن غـدا الله عـليك
مــادريــت انــها ذبـــت الانــجـري
لا تــضـم الــتـي تـلـتفت بـالـطريق
حــط بـالـك لـها فــي ذرى الـعايري
وقــل الـلـي مـريبك عـلى الالـتفات
يـاضـراب الـخنى بـالثلاث اظـهري
يـــوم قـــل الـحـياءعـنـدها واتـسـع
وجـهـها حــل فـي عـينها الانـكري
ما درت بـالـتلفت سـهـوم(ن) تـصيب
بـالـضماير بـها الـكـسر ما يـجبري
وش تــــدور وراها وذا طـبـعـها
كــن ما غـيـرها فــي الـبـلد يـذكري
لــو ابـوها يـهـد الـجـموع بـعـصاه
او بـشـلف(ن) عـلـى الـكبد تـفري فـري
او اخــوها يـخـلـي قـريـنه يـخـور
مـثـل ما خــار عـجـل(ن)مـع الـسامري
لا تـــضــم الــتــي بــــارد(ن) جــمـها
كــل شــي يـابـس(ن) وسـقـفها يـمـطري
ما تــذوق الـلذاذة وعـمرك يـروح
فـي قـصى لـو حلالك مـن الاحـمري
لا تـضـم الـتـي رزنــة(ن) فـي الـمكان
صـخـرة(ن)مايـقـلقلها هـيـب ابـشـري
ما تـكـلم ولا عـنـدها لــك جــواب
وبـسـكوتها يـزيـد الـمـرض بـاكـبري
لا حــديـث يـسـلي ولا مــن فــراق
قــلـب لا يـحـزن وعـيـن لا تـنـظري
ذي هــي الـلـي يـسره الـى فـارقت
كـــود يــاخـذ ســواها ولا يـخـسري
لا تــضــم الــتـي قــاضـب(ن) خـلـفـها
مــن ضـنـى غـيـرك لـخـلفها يـمتري
ما درى انـه عـليها سـواة الـرقيب
قــاضـب(ن) فـــي يـــده تـكـة الـمـيزري
ومـحـشوم عـلـى كــل حـال يـصير
مـخـصب(ن) وقـتك أو مـقصف(ن) مـدهري
هـذي أمـــراض(ن) عـسـاها تـطـيب
مــن ذنــوب(ن) مـضـت جـعـلها تـغفري
----------------------------------
ميت يقصد بعشيقته
ههههههههه
مري شمال ان كان ودك تمرين
مري على قبري وشوفي محله
وان كان ودك فوق قبري تصلين
ليا سجدتي فلي الراس كله
اشم ريح مثل ورد البساتين
وجسم كلاه الدود وصلك يبله
وعند الوداع اكتبي على القبر حرفين
مرحوم ياللي صاحبه ما حصله
رد مع اقتباس
المشاركة الأصلية كتبت بواسطة سالم الظفيري
المفضلات