وش هالحاله
وش هاللي صاير بمنتخبنا
على كثر هالمحللين اللي قاموا يحللون للمنتخب وعن الاسباب
اللي خلا منتخبنا يقضب القاع
وجابوا اسباب
حتى بعضهم قال اللاعب الفلاني عنده ظرف
واللاعب الفلاني ما حلق شعره زين
بس اهم سبب تدرون وشو
ان اللاعبين يلعبون بدون فدائيه وقتاليه
الله اكبر عاد يالفدائيه والقتاليه ايام زمان
حتى بالحواري كان فيه قتاليه
لان بعد كل مباراة فيه هوشه << العيال فاهمين القتاليه خطأ
وعلى طاري اللعب الفدائي والقتاليه باللعب
مره من المرات كنا نلعب مباراة بيننا وبين حاره ثانيه
وهجمه هنا وهجمه مرتده هناك
وكنا متقدمين 2 / 1 << نفس نتيجة المنتخب مع استراليا
وهم ضاغطين علينا
وتجي لهم هجمه اخر الوقت
وانا كنت العب دفاع
وتصير دربكه عند القول( لخبطه )
ويشوتون وحنا نرد
حارسنا مدري وين ولا
الظاهر من قو الحماس عندوه طرح حديهم عند الركني
وتصير الكوره قدام قولنا
وجي واحدن منهم يمشي 6000
عليه رجل اعوذ بالله
من كبر رجلوه ما يلقون كنادر ( الله يعزكم ) مقاسوه
طالعاتن اصابعوه من قدام من قو الدفاشه
وهو يبزخه كل قوتوه
انا بيني وبينكم بغيت اهرب
بس فيه شي خلاني ما اهرب
يسحبني مع فنيلتي يقول لاااا يا شبيثاااان الا الهروووب
هذا طال عمركم الفدائيه والقتال والحماس
وانا احط وجهي قدام الكوره
وتصفقن بالوجه
بالعاده الكوره اذا ضربت شي تولي
على حسب قانون لكل فعل ردو فعل
هذي يوم صفقت بوجهي لزقت بوجهي
واطيح منعجنتن واجهيتي
ويقول حدا خوياي الشبببث
وهو يراعيلي الحارس
قال لا مهو الشبث
ما عرفن الحارس متغيرن عليه
تغيرت ملامح وجهي عقب هالصفقه
وتنتهي المباراة 7 / 2 لهم << العن من نتيجة المنتخب
على حسب قانون كثر الدق يفك اللحام
وتقلدوا تحيتي
رد مع اقتباس
المفضلات