أنا بورطة ..... ضآآآع حلالي
,
’
السلام عليكم والرحمه
صباحكم رحمة ورضا من الرحمن
ياعلّة ماعادت هالطنّخة
الليلة قلت ليش ماأتابع المباراة وأصارخ مع اللي يصارخون والبس أزرق
العائلة كلهم هلاليين واذا صار بوه مباراة للهلال وع الكاس خاصة يقلب البيت أزرق وحتى الاكل مافيه أكل لين تنتهي المباراة اذا فاز جابوا من هاالأنعام
واذا أنهزم الله يسلّم فطيرة لوزين وعصير ربيع
عاد من زود التفاعل قلت لاختي النصراوية الوحيدة بيننا
توّقعي وأبشري بالهدية
اللي تطلبين
قالت أول شي تعشيني بفندق جولتن توليب
وتشرين لي ساعة من الدهام
وتشرين لي أيفون
قلت أبشررررررري بس توقعي
{ لانها ماعمره توقعت وطلع صح قلت أبي أنطنخ قدامهم يعني أني الراجحي }
وتوقعت 2 \1
وفاااآآاااز الهلال بنفس توقعها المذهوبة
الحين وش أسوي
الدهام ساعاتهم من الف وفوق
والفندق النفر بمائة ريال وهي وعياله 4
والايفون بـ 3 الاف
يعني يكره لازم أدفع 4 الاف او أكثر
أنا ياأني أنحاش بأثر كشغري وأطلب لجؤ سياسي
أو أنكم عزوتي تقطّون لي من عشر تريل
هااااه أرسل رقم الحساب
.
رد مع اقتباس
المفضلات