[align=center]*
http://www.youtube.com/watch?v=wYlnor7WnOs
[align=center][poem=font="Simplified Arabic,5,#FF9200,bold,normal" bkcolor="#121201" bkimage="" border="none,4,#400000" type=0 line=0 align=center use=ex num="0,#400000"]
--------------------------------------------------------------------------------
شف سد مآرب انفجر والسبب فار=وحنا بلدنا فيه مليون فاره
فيرانٍ صغارنٍ وفيرانٍ كبار =مصاصة الدم اكثرة في الجحاره
أهل الجشع وأهل الطمع ناسٍ اشرار=أكلوا مصالحنا وقالوا شطاره
وأشعب يبيع ويشتري وأغلا الأسعار=وأبو دولامه جالسن بنتظاره
أشعب وكيل اسمه عناوين واشعار=والمجرم الهامور خلف الستاره
وحماية المستهلك ولابها خار=مايوم شفناها تسيّر بحاره
وتشوف وش سوو بنا قصار الأعمار=اللي غزوا رزق المواطن بداره
بياع بالجمله وبياع سمسار=وأهل بقالاتٍ بظل العماره
حتوا رواتبنا مثل حت الأشجار=ونرهن بطايقنا مع الأستماره
وغلي الشعير الحبه بنص دولار=ومن زود الأعلاف لاكثر خاره
مع شدة الحاجه ومع قل الأمطار=عزي لراع الماشيه هو وجاره
وعلى التجاره نعقد آمالٍ كبار=ولكن من عيّن وزير التجاره
في مكتبٍ لاهو ببارد ولا حار=لو تمتره بالمتر نص الوزاره
اسمه وزير ولا يدق لك مسمار=يخاف يفقد منصبه واعتباره
وان رحت له تشكي جوك بأعذار=معه أجتماع وشوف ماسول غاره
وقالوا تليفونك يكفي وش صار=مشكل غلا الأسعار ندرس قراره
من بعد عشر سنين نصدر لنا اصدار=اليا فهمنا العولمه والحضاره
تكفى يابو متعب ترى الشعب محتار=نشكي غلاً فالسوق تشب ناره
والشعب يغلي شايف الغبن صبار=ونخاف من يومٍ تشوف انفجاره
وحنا نعرف انك لنا والدٍ بار=والله بيده الكون شره وخاره
ولو مانحب ملوكنا سر وجهار=ماكان لمحنا لهم بالأشاره
ياملوكنا ياعزنا الناس الأخيار=الشعب مثل الجمر يقدح شراره
وان مالحقتونا ترى وضعنا غار=الصبر مر ونذوق طعم المراره
وعلى التجاره صدر الأمر تكرار=بمشاركة سلمان أمير الاماره
والنا الامل بالله بعد لفت الانظار=امن الملك لكن من مستشاره
اليا نشدهم قالو الشعب في خار=ولا منهم اللي قال صح العباره
ونية ملكنا طيبه وين ماسار=والشعب يهتف له ولا يبي غاره
وهذا وصلى الله على سيد الابرار= ويكفيك عن كثر الكلام اختصاره
[/poem]
للشاعر القدير عيد بن حطاب العتيبي[/align][/align]
رد مع اقتباس
المفضلات