بالخير ياجماعه
هالناس ماعاد به عقل والا انا
ماطوّل عليكم
هذا ياطويلين البقى والسلامه
ريال قل اسلم ياملا الهشله
الله لايسلم عدوك
زين
قدّر الله علي وصارت لي حاجتن ضروريه عند واحدن من الربع بالديره
وانا اتصل عليه ولايرد
واعيد الاتصال مرارا وتكرارا يجي حول خمس مرات مايرد
لاحووووول
قلت تدري
يشوف اتصالاتي ويرجع يتصل علي
عاد اخبروه هاجن داج الله يرزقه لاوظيفه ولا شي
انتظرته يتصل علي يمار ماش
واتصل عليه يالربع اسبوع كااااامل مافيه فايده
ياربي لايكون غيّر رقمه
تدري ياولد
ابكلم اخوه
وانا ارفع السماعه
الو بالخير يا شوق الفطافيط >> هذا اسمه وش اعمل بوه
هلا بابو نوره
اقول ماعيّنت اخوك وينه اتصل عليه اسبوع ولايرد هو مغيرن رقموه
قال لي لا ماغيروه مار انه ينام بدري
ينام بدري >> جديده هالسالفه
طيب طيب بس قله اني ابيه ضروري تقفى لاتنسى
وفجأه
يوم الخميس يتصل علي
هلا وينك وين انت لك اسبوع والله لو انك اوباما
قال ياخوي مشكلتك تتصل علي وانا بالدوام والا نيم
ماشاء الله ع البركه توظفت
قال ايه ابشرك قبلونن بحافز وصارو يعطونن 2000 ريال
وهي تفتر مختي
اديره
اديره
قلت انت مصخن يالغالي والا وشنوحك
قال لا والله ليه
قلت حافز والله يرزقك ويبارك لك هذي تمشي
بس انك تقول مداوم ياخي ماتمشي
لا وانا اتصل عليك الساعه تسع وعشر واحدعشر وماترد تقولي كنت نايم
وش عندك بالنومه بدري
فهّمن واترك الموضوع اللي ابيك بوه
انا مسكت معي ابفهم وضعك ؟؟
قال ياخي انا من صرفو لي حافز وانا انام بدري واصحى بدري
قلت لوه ليش طيب
قال انا موظف بحافز لازم اداوم على الوقت واطلع على الوقت
واسمح لي ماقدرت ارد عليك لاني اوقات الدوام الرسمي احط الجوال ع الصامت
قلت انت من صدزك والا تمزح
قال لا والله الا اصدز من الصدز
وانا اقفل السماعه بوجهه وعلامات الاستفهام تتطاير من بوهتي
رد مع اقتباس
المفضلات