بعد قلبي يالجربوع :)
الحين عرفت ليه ما أحب آكلك
ومو أنا لحالي لا !!
كل أنثى على وجه البسيطة ماتحب تذوق حتى المرقة اللي أنت انطبخت فيها
مع إن الرجال مايخلون شيء عشان يصيدونك ويتلذذون بطبخك وشويك وأكل لحمك
حسبي الله عليهم حسبي الله عالظالم والمفتري
هم يبون ينتقمون منك لأنك فضحتهم وكشفت عوارهم
طحت على معلومة من كم يوم
طبعاً من طيحني عليها غير طير شلوى
الدكتور جاسم المطوع لبى قلبه وتويتاته
مستلم الحيوانات والحشرات وقاعد يفصفص علاقاتهم الزوجية
شوفوا وش كاتب عن جربوع حبنا
“@drjasem: الجربوع يتمتع بحس اجتماعي عالي: ويتعرف إلى الحالة النفسية لأنثاه عبر الرائحة ليبادر بتقديم بعض الأعشاب الرطبة لها لتغير مزاجها”
لبى الحس الاجتماعي العالي ياناس
ولبى رومانسية الجرابيع كلهم
من ريحة حبيبة قلبه يعرف انها مودها مو رايق<<<< يمكنها تحط عطر من أبو ريالين
وعلى طول يطارد في هالبرّان عشان يجيب لها عشبة الروقان والاسترخاء <<<< تسانها ماهيب قات الحين
بنات
لازم نسوي للجربوع نصب تذكاري في المضايف عشان نخلد ذكراه ونكافح حالات الصيد اللي يتعرض لها
وأي وحدة تسمع عن أخوها أو زوجها أو قريبها إنه رايح للبر يجربع تبلغ عنه هيئة حماية البيئة والثروات الحيوانية
هذا أقل شيء نقدمه لهالأطخم لبى روحه
رد مع اقتباس
المشاركة الأصلية كتبت بواسطة متعجب
المفضلات