سؤال للقرمات

**دموع الذهب** · 31-12-2011 14:38

السلام عليكم ورحمة الله وبركاته

هذا سؤال خصوصي للقرمات

اتصل عليج ابوج ؛ أخوج ، زوجك و قال لج انا جاي بعد ساعه

- المده الزمنيه للطبخ ساعه بالكثير -

و معاي رجال نبي عشا دسم وش بتزين له ؟؟؟

يالله يا صبايا ابدعو

**سالم الظفيري** · 31-12-2011 14:52

حشى مو طبخ مضمار الصبايا

لاهنتي

عذرا داش بالغلط

لك تحياتي

**دموع الذهب** · 31-12-2011 14:59

هههه اجل شلون تطلع السنعه من غيرها

حياك الله يا أخوي

**الجازي** · 31-12-2011 15:26

ابدعو !!!

عز الله اني ببدع

انا قبل باسبوع مايطلع معي شيء شلون لاصار قبل بساعة

بس تدرين

على قولة أمي

ماتضيق الا على بنت الردي <<<< وه لبى قلبتس ياميمتي انتي وامثالتس

على طول بدق على احسن مطعم وارسل له السواق واضبط لتس احلى سفرة من ايدين مانعدمها يارب <<< يدين الاتراك لبى قلوبهم

هاه

وش رايتس بس في ابداعاتي يادموع

انفع اصير سنعة

**دموع الذهب** · 31-12-2011 15:31

أفا ماهي لج هالسالفه يا حببتي

حرام عليج فشلتيه يمكن الرجال مفلس

تعوذي من ابليس و يالله خلي لج همه و فكري وش يتزين

و انتبهي تقولون لي كبسه

**الجازي** · 31-12-2011 16:19

هو مفلس

بس انا ماراح اكون مفلسة

ابد كل شيء على حسابي

يعني بيكون عندي قرش ابيض لليوم الاسود

وهذا اليوم الاسود جاء معناها لازم نطلع القرش الابيض

بعدين هذا وقت فزعتي فداهم القروش البيض والسود كلها اهم شيء نعشي رجالهم ونشبعهم ونبيض وجيههم بالقرش الابيض

دموع ياحيي لاتحاولين

مافيه أحلى من هيك فزعة وقرامة

والا ترى بنادي لتس ريوم

عاد هذي لاسنع ولا فزعة ولا قرش ابيض ولا ملون فديتها

**دموع الذهب** · 31-12-2011 16:51

ههههههههههههههههههه

لبا كلك عز الله ما دفعت له

ههه عاد ريمونا الانيقه ام السنع كله

بلاج ما شفتي الشوربه الخضرا

**الجازي** · 31-12-2011 17:16

تكفين أبي أشوفها

شوربة وخضراء

بعذرها والله

ولهانة على السعودية وعلم بلادي الاخضر

كثر خيرها اللي ما اخضرّت هي

**-------** · 31-12-2011 18:37

في هالساعة اقدر اسوي له

بطاطس مقلي

ربع ساعة اقشره واغسله

و5 دقايق احمي الزيت

وباقي الساعة البطاطس يستوي وسلامته

بالله ساعة وش اقدر اسوي فيها

**شموخ شمالية** · 31-12-2011 20:59

.

,

أنا عودت الشغالة من نجيب كرتون الدجاج تتبلة بس بدون ملح
ويثلج متبّل ..
والكبيبا مثلجة وكذلك الكبة والمطازيز
يعني اذا كـ العادة دقّ أبوعمر أوأخواني وقالوا معنا واحد جهزوا الغداء
أعتقد الساعة تكفي اذا صارت هالاشياء جاهزة
وثاني شي اللحم أسرع والحين الله يخلّي الكاتم بنص ساعة او ربع يكون اللحم جاهز
والرز عنبر أبيض سادة
هه وهذا الغداء جاهز

اذا ماكانت الشغالة موجودة تطلع روحي بس الحمدلله ماعمرها راحت وحدة الا الثانية جاية

يسلموا دموع