يقول الراوي وهو من احد قبايل نجد
القصه ينسبها عن احد كبار السن زمان وهذا الرجل يقول كنا حوالي العشره بيوت
وبأول الربيع واحد منا شباب قهوه ونتجمع عنده نتقهوى ونسولف ونستانس ويوم
من الايام وحنا عند كبيرنا شباب القهوه مجتمعين ولا حنا كثير حوالي خمسه
ويمار يوم طلع علينا راعي ذلول ويوم اقبل علينا وهو يحول عن الذلول ويقيد
ذلوله وهو يجينا يمشي سلم وقعد والرجل شكله داهيه وراعي البيت يطلع المحماسه وهو يحمس
قهوته ولكن القهوه ماهي كثيره ماتجي له عشره حبات والمعزب يبي يقصر ماهـ
حيث ربعه متقهوين وهذي بس للظيف ويقول المعزب خلص من حمسه القهوه
وهو يكبه بالمبراده ويحط القدوع عند الظيف حوالي خمس او اربع تمرات
والمعزب يقوم داخل البيت يبي يجيب شئ من داخل البيت وأبطا بالداخل
يقول والظيف يتناول القدوع(التمرات)وهو يجمعهن ويلقمهن مره واحده
وهو يتناول القهوه وهو يلهمه مره واحده وهو يشرب له ماء وهو يقوم يم ذلوله
ويطلق يقياده وهو ينوخه ويركبه وهو يمشي جانا المعزب قال وين راح الظيف
قلنا اكل القدوع ولهم القهوه ومشاء هذاك راكبن ذلوله قال المعزب اكيد مجنون
يقول ونراعي له يمار ناطحته ابل ومظهور عرفنا أنه جاي قدام اهله يشوف له
منزل يقول نزل بله فيضه ماهو بعيد عنا يقول شيدو البيت ودخان النار نشوفه
يوم عمد قلنا نبي نروح يمه يقول رحناله ويمار يحمس قهوته يمار محماسته
مغطيه النار من كبره وماليها قهوه يقول قلنا اكيد هذا يحمس حق شهر كامل
يقول وهو يكبه بالمبراده ويوم برده وهو يكبها كله بالنجر ويجهزها وهو يقوم ويمار
جابن له صحن يالله يشيله عليه حلوه بقعاء وفوقه زبد وهو يحطه قدامنا قال
اقدعو ياهلا وحنا نقدع والصحيح تغدينا من حلوه بقعاء وزبد ياما شبعنا وهو
يقهوينا قلناله حنا اول جايينك بطلابه يوم تاكل قدوعنا وتلهم قهوتنا وتمشي من
عندنا لا كلمه ولاشي واليوم ياشمري مسموح بنوع المزح
سلام
رد مع اقتباس
المشاركة الأصلية كتبت بواسطة الجازي
المفضلات