حج وقضيان حاجة :)
البارح أضفت خالي أردوغان في التويتر وصرت أتابعه <<<< نشب لي لما استحيت منه وتابعته ماحبيت أفشله
بس شرطت عليه مايتابعني لأسباب شخصية
المهم أنا تابعته والا ماتابعته حسيت إني توهقت
كل تويتة والثانية يحتسي فيها عن إنجازاتهم ونقلاتهم النوعية في كل مجالات الحياة
وأنا بالله لو بيتابعني وش بقول !!
حرايق المدارس وعدد الموتى وفشل الدفاع المدني في الإنقاذ !!؟
وإلا وفيات حوادث الطرق اللي نصها يبيله ترميم والنص الثاني يبيله إنشاء !!
والا عن قطاراتنا اللي صارت مثل المعيدي تسمع به خير من أن تراه
والا عن الفساد اللي نخر سوس العظم مو بس العظم<<< رحمت السوس ياقلبي
وش أقول وش أخلي بس
قسم استحيت وأنا أقرا تويتاته :
“@RecepT_Erdogan: شبكة طرق المزدوجة في تركيا ساهمت بتقليص المسافات وحققت ارباح اقتصادية وحفاظنا على حياة المواطنين من الحوادث المرورية."
“@RecepT_Erdogan: نتيجة الطرق المزدوجة التي نفذناها تقلصت المسافات 155 مليون ساعة حيث حققت ارباح اقتصادية 7 مليار ليرة نتيجة لاقتصاد 658 مليون لتر من الوقود.”
“@RecepT_Erdogan: جعلنا تركيا ثامن دولة بالعالم تملك قطارات سريعة حيث نقلت 2 مليون 500 الف راكب حتى الان ."
“@RecepT_Erdogan: سنستمر بجلب التكنولوجيا الحديثة والالات المتطورة ونضعها تحت خدمة المواطنين بارخص الاسعار، ونفتح الطريق لتطوير القدرات العلمية والتقنية .”
“@RecepT_Erdogan: بدأنا حملة "مناطق خالية من الدخان" سنة 2008 أقلع مليوني شخص عن التدخين، انخفض عدد المدخنين فوق عمر 15 سنة من 16 مليون الى 14 مليون شخص .”
عاد طرت علي فكرة إنما إيه !!
بما إن مجتمعنا يعاني من عنوسة مفرطة زي ماتقولون
وبما إن الأتراك وش كثرهم في ديرتنا
نضرب عصفورين بحجر ونزوجهم من بعض
منها يصير بيننا وبينهم نسباً وصهراً
ويطولنا من تنميتهم جانب
ومنها نقضي على ظاهرة العنوسة اللي مؤرقة رجالنا ومخليتهم يضحون باستقرارهم الأسري ويضطرون للتعدد عشان يحلون مشكلة العنوسة
وعصفور ثالث فوق البيعة اللي هو تحسين الإنتاج
يجيكم جيل جديد حمران عطران يفتحون النفس
هاه وش قلتوا !!؟
أحاتسي خالي في الفكرة
رد مع اقتباس
المفضلات