اقراء ملامح ضيقتك فى عينك اللى ماتبوح
احسها لوماتبين اعترف باحساسها
اشوف همك بالعيون اللى مدامعها تلوح
لكنها ماترخص الدمع وتحدت ياسها
ماانت بعلى بعضك وكلماتك من الضيقه تفوح
حرام تحترق ورد خدك من لهيب انفاسها
وشفيك ضايق منهو اللى كدر الوجه الصبوح
لو انها الدنيا لانزل ياحبيبى راسها
قلى علامك لو يطول الصمت وتزيد الجروح
شف شمس موعدنا هفت والليل دق اجراسها
باقى دقايق من وعدنا لا تخلينى وتروح
ولو رحت قلى وش يفك النفس من وسواسها
اضحك ووسع خاطرك ياصاحبى خلك مزوح
الريح تنطر ضحكتك ومقفه نسناسها
قد قلت لى:لاصرت ضايق اركب امواج الجموح
والنفس ماتركع لضيقتها وترخى باسها
وقد قلت لى: خلك كتاب ابيض ويملاك الوضوح
ومن ينحنى للعاصفه اعقل من اللى داسها
وين المبادى وابتساماتك وهذاك الطموح
والاسوالفك القديمه ماتت بقرطاسها؟
مهما تصد بنظرتك عنى انا لى فيك روح
تشاركك فى ضحكة ايامك وفى هوجاسها
وعيونك اللى ماتبيها تعترف لى او تبوح
شف دمعتك هذى تراها ترجمت لى احساسها .
رد مع اقتباس
المشاركة الأصلية كتبت بواسطة راعي الوقيد
المفضلات