ღ♥乂♥ وش احساسك اليوم .ღ♥乂♥ღ

**سالم الظفيري** · 26-03-2012 23:27

يامنيف جتنا مقبله عطلة الصيف ؛ ؛ والبوك فاضي مامعي كود فكه

والناس شدت عفشها والمصاريف ؛ ؛ تبغى تغير جوّها والمضكه

ناسٍ تبا باريس ناسٍ تبا جنيف ؛ ؛ والصنف الاخر جالسٍ فوق دكه

وناسٍ نوت بالشرق سجه وتكييف ؛ ؛عند البراد ولاغشى القلب شكه

ناسٍ تذوق البيف من طبخة الشيف؛ ؛ وناس يدك كبودها الرز دكه

وانته وانا يامنيف من غير تكليف؛ ؛عفنا من الظهران حاره وسكه

**-------** · 27-03-2012 19:58

يامن ذبحني وأموت بريحه ترابه !
ياما عطيته وهو ما خاف من ربه

شرعت بيبان قلبي ولا فتح بابه !
ياكثر ما هو مزعلني بلا سبه ..

إيه اعشقه وابغضه وأموت واحيابه ؟
واشتاق له واقطعه واغليه واسبه

لا صرت اقرب قريبٍ لك فـ انا اولابه
صب الغلا في خفوق معذبك صبه

**-------** · 27-03-2012 19:59

إنتظرتك ليــه طـــــــولت الغياب
وإنت لامن غبت لحظــات أفقدك
جمرة اشـــواقي تناديــــك بعتاب
كيف جالك قلب تنســـى موعدك
سيد الأحسـاس حسك كيف غاب
كيف عن دافي شعـــوري يبعدك
أدري إنك ماتأخـــــــرت بغياب
بس أنا اللي دايم اسبــق موعدك

**سالم الظفيري** · 27-03-2012 23:51

. لحظة كسوف الشمس ماتنفع شموع
حتى تعود الشمس من بعد غيبه .

. ياغايب ماشفت زولك من اسبوع
تراني ادفع في غيابك ضريبه .

. اقضي هدوء الليل ساكت وموجوع
ولاراح ليلي قلت صبحي يجيبه .

**ملهمة** · 29-03-2012 06:38

وْلوني من النفس الحشيمه تبريت
ما شمت عن كل العيون لْ رضاتك

مبطي وصدري راكد الحس مَ اوحيت
من علّمك ترمي بجوفه حصاتك ؟؟

**سالم الظفيري** · 30-03-2012 21:02

ياقلم جيتك بهمي يا رفيقي فالهموم
يوم كل الناس تكسر من زعل لاقلامها
ما خرج هم القصيده ولا دخل للعين نوم
يوم كل الناس حولي غارقه باحلامها

**ملهمة** · 07-04-2012 12:30

من راح يبطي ماسمع كلمه عتاب
مال الرخيص بـ عين الاكرام قيمه

قول للقلوب الناسيه .. تاكل تراب
غابوا ، وعشنا ، والعواقب سليمه

**سالم الظفيري** · 08-04-2012 12:07

يقول : مقدر أعيش اليوم من دونگ !
وأقول : حتى ولو ماعشت من دوني
يمگن أنا أگون أعز انسان في عيونگ ..........
............... بس أنت والله " گل الناس في عيوني