ان الواحد يتاخر عن دوامه ساعه
معقوله
واذا الواحد تأخر ساعه تمشي
بس الواحد يتأخر ساعتين وربع
اقل شي يطرحوه مديروه قدام زملاوه
هكا اليوم قمت الفجور كعادتي انا والعصافير
واشغل السياره
واروح اتقهوى عند الوالد الله يحفظوه وينصروه
يوم جت حوالي الساعه ست وربع
وانا اركب السياره وامشي
دوامي يبداء 7 ونص رسميا
وانا مااشي وبحااالي
وهو ياقف الطريق
قلت عادي زي العاده
عشر دقايق
ربع ساعه
ساعه
ما تحركت ولا شبر
ساعه ونص
وانا اتصل على المرور
قلت ياخي واقفين بالطريق الفلاني ولا يتحرك وش السالفه
قال ثواني والدوريات عندكم
قلت الله ينصركم ياخي انتم قويين
وربع ساعه بعد هالمكالمه
نص ساعه
ساعه
نفس الوضع
وانا اتصل عليهم
سلااام
قال اهلين
قلت ياخي قبل ساعه اتصلت عليكم وتقولي جايين
ونفس الحكايه
وش السالفه ؟
ياخي اذا ما تمونون على دورياتكم علمونا
قال دقيقه
من معي اول شي ؟
قلت معك الشبث ابو شوارب زرق
قال شفيك معصب
قلت مهو شغلك
انت الحين فكنا من هالزحمه وتلايص
ولا بس جيدين بالمخالفات علينا انتم وساهر
قال ياخوي شوي وجايتك الدوريات
قلت ماني مسكر خلك على الخط ليما يجون
قال ياخي انت وين باي شارع
قلت ياخوي بالشارع الفلاني اللي يروح هنا
( اعتذر عن عدم ذكري لاسماء الشوارع خوفاً وخرعه من تجار العقال
تخبرون اخاف يقولون هالشارع يمر بوه الشبث نبي نرفع اسعار الاراضي
عاد هم ما يوصون اللهم يا كافي ) << هذا المواطن هاقين بروحوه
المهم انوه سكر الخط بوجهي بعد مناوشات بيننا
واجلس شوي بالسياره
ويدق جوالي
وانا اراعي لوه
ولا مكتوب ( وزارة الداخليه تتصل بك )
وانا ابلع ام العافيه
وويلي وش سويت انا
اكيييد هالعسكري اشتكاني
وش يبون بي الحين
وانا انزل الجوال تحت ولا رديت
شوي ويدق ثاني مره
ولا الوزاره
وانا اتخوبر
طيب لو رديت وش اقول وش ابرر
انا وشوله اغلط عليه من الاساس
يعني جت على هالعسكري الضعيف
البلا من فووقووه ليه اغلط عليه انا
ولا رديت
وللمره الثالثه ويدق جوالي
ولا الوزاره بعد
قلت خلن ارد وابتسي عندوه غديهم يرحموني<< لاقين هالحركه
وانا ارد
قلت وااااالله يا مدير الشرطه ما اعوده
وااالله يا مدير الشرطه اني مدري شلون ابليس لعب بمختي وخلاني اغلط
ياويلي انا وش ابيبكم
انا وشووووله ادق عليكم اصلا
يا عل صبعي للكصم قبل يدق عليكم ثاني مره
تكككفى يا مدير الشرطه اسمح لي
واسكت
ولا صوت مره تقولي وش بلاك انت
قلت ما شاااء الله
موظفين حريم عندكم بالوزاره
يعني اختلاااط
ابشروا بالدجه مثل الصحه
قالت انت وش تقول
قلت انتي منهي
قالت اقول وانت جاي جب معك خضره ترى ما عندنا خضره
اثريني مسجل ام ماجد بالجوال ( وزارة الداخليه )
وهي مسجلتن ( وزارة الخارجيه )
كلن معين الثاني وزير حلوكم وجيه
بس بصراحه تمنيت لو اني متكلم بصراحه اكثر
ااااخ بس لو ادري انه هي
تسان مسوي فيها قوي
وتقلدوا تحيتي
رد مع اقتباس
المفضلات